ئهڤرو سپێدێ 14/1/2016 ب سهرپهرشتیا بهرێز فهرهاد ئهمین ئهتروشی پارێزگهرێ دهوكێ كومبونهكا بهرفرهه ل دور ئاڤهدانكرنا شنگارێ و دهڤهرێن دی یێن نو هاتینه رزگار كرن هاته بهستن ,
دكومبونێ دا قایمقامێ شنگارێ و ئیدارا دهڤهرا شنگار و رێڤهبهرێن گشتی یێن دهزگایێن خزمهتكاری یێن پارێزگهها دهوكێ بهرههڤ ببون بهراهیێ پارێزگهرێ دهوكێ دیار كر كو ئارمانج ژ گرێدانا ڤێ كومبونێ دانانا پلانهكێ یه بو گههاندنا خزمهتێن پێدڤی ل دیف شیانانا بو دهڤهرا شنگارێ و سهرو ژنوی ئاڤا كرنا وێ و ئاماژهكره گرنگیا شنگارێ و ژبهر ڤێ گرنگیێ سهروك بارزانی بخو سهرپهرشتیا رزگار كرنا وێ كر و پارچهكا نه ڤهقهتیا یا كوردستانێ یه و ل دیف شینانا ئهوا پێدڤی دێ بو شنگار هێته كرن ,, ههروهسا دیار كر كو ئهڤه ئێكهمین كومبونه بو پهیدا كرنا ههفكاریێ دنافبهرا ئیدارا پارێزگهها دهوكێ و ئیدارا قهزا شنگارێ دا و گوت شنگار هاتیه وێرانكرن و چ ژێرخانه بو نههێلایه زێدهباری كوشتنا گهنج و زاروك و پیرێن وێ ,,
دیسان پارێزگهرێ دهوكێ دیار كر كو كومبون دێ بهردهوام بن بو دانانا پلانا و پهیدا كرنا ئهوا پێدڤی بو ئاڤا كرنا شنگارێ و دهوروبهران و گوت ئهم بزاڤێ دكهین كو جڤاكێ نێڤ دهولهتی بهێته سهر هێلێ و پشكدار بیت دئاڤا كرنا شنگارێ دا و من بخو ل وهلاتێ ئهلمانیا ئهو بابهت بهحس كریه و پێشنیار كریه كو كونفرانسهك بهێته بهستن ل دهوكێ یان كوردستانێ و ههكه ب پشتهڤانیا وهلاتێ ئهلمانیا بیت باشتره بو سهرو ژنوی ئاڤا كرنا شنگارێ ,,
ههروهسا پارێزگهرێ دهوكێ دیار كر كو تشتهك كێم ل بهردهسته بو شنگارێ بهێته كرن و پێدڤیێن گرنگ بهێنه چارهكرن وهكو ئاڤ و كارهب و ساخلهمی و پهروهرده و وهكو پێنگاڤا ئێكێ بودجهكا بچویك ل بهر دهسته بهێته خهرج كرن ل ڤان پێدڤیێن گرنگ وگرێدای ژیانا روژانه یا وهلاتیان ,,
دیڤدا( محما خهلیل ) قایمقامێ شنگارێ دیار كر كو شنگار هاتیه وێرانكرن ههتا رێژا 80 % و پێدڤی ب هاریكاری و پشتهڤانیێ یه داكو سهرو ژنوی بهێته ئاڤاكرن و ژیان لێ بهردهوام بیت ,
ههروهسا قایمقامێ شنگارێ سوپاسیا كارگێریا پارێزگهها دهوك و پارێزگهر و خهلكێ پارێزگههێ كر كو پاریێ نانێ زاروكێن خو دایه ئاوارێن شنگار و حهواندینه و نههێلانا كێماسی پهیدا ببن و بخوینا گهنجێن خو شنگار رزگار كر و گوت : ب ئومێدم كو چاوا شنگار ب خوینا گهنجێن كوردستانێ هاته رزگار كرن دێ وهسا ب هێز و پشتهڤانیا حكومهتا ههرێمێ و كارگێریا پارێزگهها دهوكێ هێته ئاڤا كرن و خزمهت گههنێ و وهكو دهست پێك پێدڤیه خزمهتێن ئاڤ و كارهب و ساخلهمی و پهروهرده بهێنه دابینكرن بو خهلكێ ,, ههروهسا پێشنیار كر كو سندوقهك بهێته دانان بو ئاڤا كرنا شنگارێ ,, و لدیماهیێ گوت : خهلكێ شنگارێ قهردارێ خهلكێ دهوكێ و حكومهتا ههرێما كوردستانێ یه كو ب ههمی هێزو شیانا پشتهڤانی لی كر ب خوینا گهنجێن خو شنگار رزگار كر ,
دیڤدا رێڤهبهرێن گشتی ههر ئێكی ژلایێ خو شیانێن رێڤهبهریا بو خزمهتكرنا شناگرێ دیار كرن وهكو پێنگاڤا ئێكێ و بوجون و پێشنیارێن خو دیار كر ,
ل دیمتهیی دبریس كونفرانسهكی بهرێز فهرهاد ئهتروشی پارێزگهرێ دهوكێ دیار كر كو ژ ئهنجامێن كومبونێ پێك ئینانا هژمارهكا لژنا دنافبهرا رێڤهبهریێن خزمهتكاری ل پارێزگههێ و ئیدارا شنگارێ وهكو لژنێن پاقژی و ئاڤ و كارهب و ساخلهمی وپهروهرده و تا دیماهیێ و ئهف لژنه دێ بهردهوام كاری كهن بو كومكرنا پێزانینا و كارێ پێدڤیێ بهێته كرن و راپورتا بهرههڤ بكهن ل دور سهروبهری و كاری پێدڤی بهێته كرن ,
دیسان بریار هاته دان كو سندوقهك بو ئاڤا كرنا شنگارێ بهێته دانان و وهكو دهست پێك كوژمهكێ بچویك بهێته تهرخانكرن ژ پارێزگههێ كود بیته نێزیكی 500 ملیون دینارا و لایهن بهێنه هاندان كو پشكدار بن چ وهكو خهلكێ دهولهمهند یان رێكخراو و حكومهتا ههرێمێ ,
بریار هاته دان كو كونفرانسهك بو ئاڤا كرنا شنگارێ ل پارێزگههێ بهێته بهستن و لژنهك بو بهرڤیێن ڤی كونفرانسی هاته دانان ,,
ههروهسا ههفكاری یا بهردهوام بیت دنافبهرا دهوك و شنگارێ دا وهكو ئیداره و بزاڤ بهێته كرن كو خهلكێ رازیكهن بزڤرنه ڤه سهر جهێن خو ب تایبهت ئهو دهڤهرێن هندهك خزمهت بو هاتینه كرن وهكو سنونێ و زمار و كومهلگههێن دی ,,
ل دور رولێ حكومهتا بهغدا دهاریكاری كرنا ئاڤا كرنا شنگارێ دا قایمقامێ شنگارێ گوت : تا نوكه چ هاریكاری و پشتهڤانی ژلایێ حكومهتا بهغدا نههاتیه كرن و ئهم ب هیڤی نه ئهو ژی رولێ خو ببین ژبهر كو ئهڤه ئهركێ وانه و ئیداری شنگار سهرب پارێزگهها نهینهوا ڤه لی تا نوكه چ نههاتیه كرن ژلایێ وانڤه.
