ئەڤرۆ سپێدێ رۆژا پێنچشەمبى 11/گولانا /2023 ێ ل هوڵا کونگرا ل باژێرێ دهۆکێ ب ئامادەبونا بەرێزان د.سامان بەرزنجى وەزیرێ ساخلەمیێ ود.عەلى تەتەر پارێزگارێ دهۆکێ وبریکارێ وەزارەتا خاندنا بلند وچەند بەرپرسێن حزبى وئیدارى ونوشدارێن هەرێما کوردستانێ وپارێزگەها نەینەوا رێ ورسمێن ئێکەم کونفرانسێ زانستى یێ سەندیکا نوشدارێن کوردستانێ لقێ دهۆکێ هاتنە گێران.
لبەراهیێ پێشانگەها ئامیرەت وپێدڤیێن نوشدارى هاتە ڤەکرن پاش بەرنامێن کونفرانسى دەستپێکرن وسرودێن نیشتمانى یا عیراقێ وکوردستانێ هاتنە پێشکێشکرن ، ل دوڤدا چەند ئایەتێن قورئان پیروز هاتنە خاندن هەروەسا تیپا هونەرێ مللى تابلویەکێ هونەرى پێشکێشکر.
پاش پەیڤا بخێرهاتنێ ژلایێ د.ئارازعەبدال سەروکێ سەندیکا لقێ دهۆک یا نوشدارێن کوردستانێ هاتە خاندن.
ل دوڤدا پارێزگارێ دهۆکێ و نونەرێ وەزارەتا خاندنا بلند و وەزیرێ تەندورستى پەیڤێن خو پێشکێشکرن وگرنگیا کونفراسى بەرچاڤکرن ودەست خوشى ل رێکخەرێن کونفراسى کر وپیروزباهیا سەندیکا نوشدارێن کوردستانێ لقێ دهۆک کر بو ئەنجامدانا ڤى کونفرانسێ زانستى وهیڤى یا سەرکەفتنێ بوخاست وپشتەڤانیا سازدانا ڤان جورە کونفراسان کرن.
هەروەسا فلمەک ل دور دیروکا کەرتێ ساخلەمیێ ل پارێزگەها دهۆکێ هاتە نیشادان .
پاش بەرنامێن کونفراسى دەستپێکرن وچەندین ڤەکولینێن زانستى ونوشدارى دێ هێنە پێشکێشکرن ول و راسپاردێن کونفرانسى بو لایەنێن پەیوەندیا دێ هێنە بلندکرن ژبو پێسئێخستا کەرتێ تەندورستى ل هەرێما کوردستانێ کو باشتر خزمەتا خەلکێ هەرێما کوردستانێ بهێتە کرن.
هەژى گوتنێ یە کونفراس دێ دوو رۆژا بەردەوامبیت وپتر ژهزار نوشدارا ژهەرێما کوردستانێ وپارێزگەها نەینەوا پشکداریێ دکونفراسى دا دکەن.
