ئه‌ڤرو نیڤرو 13-9-2020 به‌رێز د.على ته‌ته‌ر پارێزگه‌رێ دهۆكێ كۆمبوونه‌ك دگه‌ل قایمقامێ قه‌زا ئامێدیێ و رێڤه‌به‌رێن ناحیێن قه‌زایێ سازكر .
دكۆمبوونێدا پارێزگه‌رێ دهۆكێ گوت: ل دوڤ فه‌رمانا سه‌روكێ حكومه‌تا هه‌رێما كوردستانێ ئه‌م هاتینه دا ژنێزیك ره‌وشا ده‌ڤه‌رێ وپێدڤیێن خه‌لكى ب پرۆژێن خزمه‌تكارى بزانین وسه‌روكێ حكومه‌تا هه‌رێمێ رازیبونا خو دیاركریه كو ژماره‌كا پرۆژا ل هه‌موو ناحیێن سه‌ر ب قه‌زا ئامێدیێ ڤه ئه‌نجامده‌ین ئه‌ڤ پروژه دپێك هاتینه ژ(رێكا وپروژێن ئاڤێ ونوژه‌نكرنا قوتابخانا وبنگه‌هێن ساخله‌میێ وكاره‌بێ و…هتد) وكوژمێ گشتى یێ ڤان پرۆژا پتره ژ(28) ملیار دینارا ول سه‌ر هه‌موو ناحیا (شێلادزێ – دێره‌لوك – سه‌رسنك – چه‌مانكێ – بامه‌رنێ – كانى ماسێ – سه‌نته‌رێ ئامێدیێ )ب یه‌كسانى هاتینه دابه‌شكرن ول دوڤ پێدڤیێن هه‌ر ناوچه‌كێ دێ هێنه بجهئینان.
هه‌روه‌سا دیاركر كو به‌رى نوكه ژى سه‌روكێ حكومه‌تا هه‌رێمێ به‌رێ بنیاتى بۆ ئاڤاكرنا نه‌خوشخانه‌كا مه‌زن ل شێلادزێ دانابو كوژمێ ئاڤاكرنا نه‌خوشخانێ (53) ملیار دینارن وكوژمێ گشتى یێ ڤان پرۆژا پتره ژ(80) ملیار دیناران ، ئه‌ڤ پرۆژه هه‌موو دێ كه‌ڤنه دوارێ بجهئینانێ دا وده‌لیڤێن كارى دێ بو ب سه‌دان كه‌سا ڤه‌كه‌ن.
پاش پارێزگه‌رێ دهۆكێ كۆمبوونه‌ك دگه‌ل رێڤه‌به‌رێن فه‌رمانگه‌ها ل سه‌نته‌رێ قه‌زا ئامێدیێ ئه‌نجامدا وگوهداریاكێم وكاسیێن وان فه‌رمانگه‌ها كر ودیاركر كو دڤێت هه‌موو فه‌رمانگه‌ه كاروبارێن هاولاتیا ل دوڤ رێنما ویاسایێن حكومه‌تێ ئه‌نجامده‌ن وموعاملێن هاولاتیان نه‌هێنه گیروكرن وروتین بهێته كێمكرن.
ل دوماهیێ دكونگره‌كێ رۆژنامه‌ڤانیدا پارێزگه‌رێ دهوكێ دیاركر كو نێزیكى 145پرۆژه ببهایێ پترژ 80ملیار دینارا دێ ل سنورێ قه‌زا ئامێدیێ هه‌روه‌سا چه‌ندین پرۆژێن وه‌به‌رهێنانێ دوارێ پیشه‌سازى وگه‌شتیاریدا دێ هێنه ئه‌نجامدان .
