ئه‌ڤرو ئێڤاری 2-12-2018به‌رێز فه‌رهاد ئه‌مین ئه‌تروشی پارێزگه‌رێ دهوكێ كومبونه‌ك دگه‌ل لیژنا موه‌لیدا ل پارێزگه‌هێ ئه‌نجامدا.
دكومبونێدا به‌حسێ ره‌وشا كاره‌با گشتی وگرانبونا بهایێ ئه‌مپێرێ كاره‌با موه‌لیدا ل سه‌ر وه‌لاتیان وچاوانیا كێمكرنا بهایێ ئه‌مپێری ل سه‌ر وه‌لاتیان هاته كرن.
پاش كونگره‌كێ روژنامه‌ڤانی هاته ل دارخستن لبه‌راهیێ پارێزگه‌رێ دهوكێ ئاماژه دا كێمبونا كاره‌با نیشتمانی ل وه‌رزێن هاڤین وزڤستانا وگوت ل ڤان هه‌ردوو هه‌یڤا داخازی گه‌له‌ك ل سه‌ر كاره‌با نیشتمانی هه‌یه وبارێ وێ زور گراندبیت ورێژه‌یا دابینكرنێ بو وه‌لاتیان كێم دبیت وگوت نوكه بتنێ 495میگاواتێن كاره‌با نیشتمانی دگه‌هنه پارێزگه‌ها دهوكێ وژوێ رێژێ 193میگاوات بو هێزێن پێشمه‌رگه‌ی ل سه‌نگه‌ران وكه‌مپێن ئاواره‌یان وپروژێن ئاڤێ ونه‌خوشخانا وجهێن خزمه‌تكاری یێن فه‌ر دهێته دابینكرین وپشكا مای كو دبیته 380میگاوات ل سه‌ر هه‌رحه‌فت قه‌زایێن پارێزگه‌هێ وگوند وناحیا دهێته به‌لافكرن وئه‌ڤه‌ژی رێژه‌كا كێمه كو روژانه بتنێ 10-11ده‌م ژمێرا دگه‌هیته وه‌لاتیان وده‌م ژمێرین دی كو دبنه 13ده‌م ژمێر ژلایێ موه‌لیدا ڤه دهاته دابینكرن.
پارێزگه‌رێ دهوكێ ئاماژه دا بریارا كومبونا لیژنا موه‌لیدا كو به‌رنامه‌كێ نوو بو هه‌یڤا 12 دانایه كو موه‌لیدێن پارێزگه‌هێ وه‌كو یێن پارێزگه‌هێن دی یێن هه‌رێمێ كاربكه‌ن ئه‌وژی ژده‌م ژمێر(7هه‌تا 9) سپێدێ وژده‌م ژمێر(2پشتی نیڤرو هه‌تا 2شه‌ڤێ) وبڤێ چه‌ندێ بهایێ ئه‌مپێری دێ لسه‌ر وه‌لاتیان هێته كێمكرن بو (8,500)دینارا .
ل دوماهیێ گوت : دێ دگه‌ل حكومه‌تا هه‌رێما كوردستانێ هه‌ولده‌ین كو رێژا كاره‌با گشتی یا پارێزگه‌ها دهوكێ بهێته زێده‌كرن.
پاش روژنامه‌ڤانان پسیار ئاراسته‌ی ئه‌ندامێن لیژنێ كرن وبه‌رسڤ ل سه‌ر هاتنه دان.
ل دور به‌لافكرنا گازا سپی ل سه‌نته‌رێ پارێزگه‌هێ به‌رێز قایمقامێ قه‌زا دهوكێ گوت: لڤێ حه‌فتیێ دێ (10,000) ده‌ه هزار كوبونا ل سه‌ر بریكارێن ئاهێن خارنێ به‌لافكه‌ین ول ده‌ست پێكا حه‌فتیا بهێت دێ ده‌ست به‌لافكرنا گازا سپی كه‌ین و دوو ێزدگه‌ه هاتینه ده‌ست نیشانكرن ئێك ل روهه‌لاتێ دهوكێ ویێ دی ل روژئاڤا یێ باژێری بو وێ یه‌كێ وه‌لاتی ب شێن ب ساناهی به‌رهرا خو وه‌رگرن.
