ئهڤرو ئێڤاری 12-11-2015ل هولا كومبونا ل پارێزگهها دهوكێ ب سهرپهرشتیا بهرێز فهرهاد ئهمین ئهتروشی پارێزگهرێ دهوكێ وب ئامادهبونا بهرێز فههیم عبدالله سهروكێ جڤاتا پارێزگهها دهوكێ كومبونهك دگهل لیژنا بلندا یا موهلیدا ونونهرێن خودانێن موهلیدا هاته ل دارخستن..
دكومبونێدا نونهرێن خودانێن موهلیدا رونكرن دانه سهر كارێ موهلیدا وخهرجیێن كارمهندێن ل سهر موهلیدا كاردكهن وگرانیا بهایێ گازوایلێ ونزمبونا بهایێ ئهمپێرێ كارهبێ وخواستن كو پارێزگهها دهوكێ چارهسهریا ئاریشا وان بكهت.. .
پاش گهنگهشێن تێروتهسهل ل دور بابهتێ كومبونێ هاتنه كرن ول دوماهیێ ولدوڤ پشنیارا بهرێز پارێزگهرێ دهوكێ بریار هاته دان كو بهایێ ههر ئهمپێرهكێ كارهبێ ل باژێران ببیته 1800هزار وههشت سهد هزار دینار وئهڤ بریاره ههتا 31-3-2016كار دێ پێ هێته كرن وبهرامبهرێ وێ پارێزگهها دهوكێ دێ گازوایلێ ب بهایێ 500دینارا بو ههر لیترهكێ دهته خودانێن موهلیدا ههروهسا ئاریشا موهلیدا ل گوندا ژی ب رێكهفتن دگهل رێڤهبهرێن ناحیا وموختار وخودانێن موهلیدا دێ هێته چارهسهركرن.. .
پارێزگهرێ دهوكێ دیاركر كو خودانێن موهلیدا وكارێ ئهو دكهن خزمهتهكا مروڤایهتی ونیشتمانی یه وتهكهزكر كو ئهوا دشیان دا بیت كارگێریا پارێزگههێ دێ بو وهلاتیێن پارێزگههێ وخودانێن موهلیدا پێشكێشكهت وخواست كو وهلاتی وخودانێن موهلیدا ژی هاریكاریا سازیێن حكومهتێ بكهن دا كارهب بو وهلاتیا یا بهردهوام بیت.
تێ زانین پتر ژ1000موهلیدا لباژێران ل سنورێ پارێزگههێ ههنه وژبلی یێن گوندا.