دچارچوڤێ وان گوهورینێن به‌رده‌وام یێن دناڤ دام وده‌زگه‌هێن میرى دا دهێنه كرن ئه‌ڤرۆ سپێدێ رۆژا دوو شه‌مبى 1/ 8/2022 ب ئاماده‌بونا به‌رێزان شمعون شلیمون جێگرێ پارێزگارێ دهۆكێ وسه‌ردار یه‌حیا ده‌ڤه‌ردارێ شێخان وڤیان صه‌برى سه‌روكا فراكسیونا پارتى ل په‌رله‌مانێ عیراقێ وچه‌ند رێڤه‌به‌رێن په‌یوه‌ندیدار ود رێ ورسمێن جودا جودا دا (خالد بیبو) وه‌كو رێڤه‌به‌رێ سالویا شێخان هاته دانان ، هه‌روه‌سا (عامر محى الدین ) وه‌كو رێڤه‌به‌رێ سایلویا رۆڤیا هاته دانان.
دڤان رێ ورسماندا جێگرێ پارێزگارێ دهۆكێ دیاركر كو گوهورین كاره‌كێ ئاسایى وساخله‌مه وئارمانج ژێ ئه‌وه ئاستێ خزمه‌تكرنێ بهێته پێشئێخستن وپیروزباهى ل هه‌ردوو رێڤه‌به‌رێن نوو كر وداخازا سه‌ركه‌فتنێ بو كر.
هه‌روه‌سا ته‌كه‌زكر كو ده‌ڤه‌را شێخان وناوچه‌داریا رۆڤیا و جهێن سه‌ر ب وانڤه ئاخه‌كا ده‌وله‌مه‌ند وب به‌ره‌كه‌ته بو چاندنێ وهیڤى خاستن كو به‌رپرسێن چاندنێ ب رێكێن نوو وزانستى گرنگیێ ب چاندنێ بده‌ن وپشته‌ڤانیا جوتیارا باشتر بكه‌ن بو یه‌كێ به‌رهه‌مه‌كێ زور باش بهێته په‌یداكرن وپشته‌ڤانیا پارێزگه‌هێ نیشان دا بو هه‌ر هاریكاریه‌كێ.
