ئه‌ڤرۆ سپێدێ رۆژا دووشه‌مبى 2022/11/21 ل هولا رێڤه‌به‌ریا ساخله‌میا پارێزگه‌ها دهۆكێ و ب ئاماده‌بونا به‌رێزان پشتیوان صادق وه‌زیرێ ئه‌وقاف وكاروبارێن ئاینى و د.عه‌لى ته‌ته‌ر پارێزگارێ دهۆكێ وشموعون شلیمون جێگرێ پارێزگارى وچه‌ند به‌رپرسێن حزبى وئیدارى وپه‌رله‌مانته‌ر وزانایین ئولێ ئیسلامێ ومه‌سیحى وئێزدى كه‌سایه‌تیێن ده‌ڤه‌رێ ول ژێر دوریشمێ پێكڤه‌ژیان بنیاتێ (ئارامى وئاڤه‌دانكرن وپێشڤه‌چونێ یه) رێڤه‌به‌ریا گشتى یا ئه‌وقافێ وكاروبارێن ئاینێ كونفرانسێ پێكڤه ژیانێ سازكر.
دبه‌رنامێن كونفراسیدا په‌یڤێن رێڤه‌به‌ریا گشتى یا ئه‌وقافێ وپارێزگارێ دهۆكێ و وه‌زیرێ ئه‌وقافێ هاتنه خاندن.
رێڤه‌به‌رێ گشتى یێ ئه‌وقافێ گوت ئارمانج ژكونفرانسى ئه‌وه كو گیانێ پێكڤه ژیانێ وهه‌ڤدوو قه‌بلوكرنێ دناڤ هه‌موو ئول وپێكهاته‌یێن پارێزگه‌هێ پتر بهێته خورتكرن.
هه‌روه‌سا پارێزگارێ دهۆكێ دپه‌یڤه‌كێدا دیاركر كو ژكه‌ڤندا كلتورێ پێكڤه‌ژیانێ ل كوردستانێ هه‌وبویه و نوكه ژى هه‌یه و ئه‌م هه‌موو ل ڤى وه‌لاتى ب هه‌ڤره دژین وپشكداریێ دكه‌ین بو برێڤه‌برنا ڤى وه‌لاتى .
وگوت: دوژمنێن مه ب هیچ ره‌نگه‌كى رێزگرتنێ ل ڤێ پێكڤه ژیانا ل و ه‌لاتێ مه هه‌ى ناگرن له‌ورا دڤێت ئه‌م به‌رده‌وام ڤى كلتورێ هه‌ڤدوو قه‌بولكرنێ موكومبكه‌ین وحكومه‌تا هه‌رێمێ ل ڤان (30) ساڵێن حكومرانیا خو روخسارێ جوان یێ پێكڤه ژیانێ نیشانى جیهانێ دایه و بكریار به‌رجه‌سته‌كریه .
پاش وه‌زیرێ ئه‌وقافێ دپه‌یڤه‌كێدا ده‌ستخوشى ل رێكخه‌رێن كونفرانسى كر وگوت ل سالا 2014 خه‌لكێ كوردستانێ وپارێزگه‌ها دهۆكێ ل ده‌مێ هێرشا تیرورستێن داعش بو سه‌ر شنگالێ وجهێن دى و خه‌لك ئاواره‌ى كوردستانێ وپارێزگه‌ها دهۆكێ بوین خه‌لكێ مه ب رێزگرتنڤه دل ومالێن خو ل به‌ر ئاوارێن ئێزدى وعه‌ره‌ب وپێكهاتێن دى ڤه‌كرن .
وگوت ئه‌ڤرو ئه‌م ل وه‌زاره‌تا ئه‌وقافێ به‌رده‌وام ته‌كه‌زیێ ل خورتكرنا پێكڤه ژیانا ئولى ونه‌ته‌وه‌یى دكه‌ین ونوكه مه 8 رێڤه‌به‌رى هه‌نه رێڤه‌به‌ریا هه‌شت ئاینا دكه‌ن وسه‌ركه‌فتن بو كونفرانسى خواست.
پاش فله‌مه‌كێ دیكیومه‌نتارى هاته نیشا دان وپه‌نه‌له‌ك ل دور پێكڤه ژیانێ هاته پێشكێشكرن وخه‌لات ل سه‌ر پێشكێشكارێن په‌نه‌لى به‌رێزان ( د.حمید باڤى ومه‌تران ئازاد صه‌برى وخوجه خه‌تارى ) هاتنه به‌لافكرن.
