ژبو گه‌هاندنا ئاڤا زه‌ڵال وساخله‌م بو خه‌لكێ ده‌ڤه‌رداریا ئامێدیێ وده‌روبه‌ران ئه‌ڤرۆ سپێدێ رۆژا چارشه‌مبى 1/ شوباتا /2023 ل ناوچه‌داریا دێره‌لوكێ ب ئاماده‌بونا به‌رێزان ساسان عونى وه‌زیرێ شاروانى وگه‌شت وگوازرێ و د.عه‌لى ته‌ته‌ر پارێزگارێ دهۆكێ و(كلاوس سترایچه‌ر) كونسلێ ئه‌لمانیا ل كوردستانێ ونونه‌رێ رێكخراوا یونسێف ل عیراقێ و ده‌ڤه‌ردارێ ئامێدیێ وچه‌ند به‌رپرسێن حزبى وئیدارى رێ ورسمێن ڤه‌كرنا پرۆژێ پارزینیا ئاڤا ئامێدیێ وده‌روبه‌ران هاتنه گێران .
درێ ورسمان دا په‌یڤێن جودا جودا هاتنه خاندن وگرنیگیا پرۆژه‌ى هاته دیاركرن.
پارێزگارێ دهۆكێ دپه‌یڤه‌كێدا دیاركر كو به‌رى نوكه حكومه‌تا هه‌رێما كوردستانێ پرۆژێ ستراتیجى یێ ئاڤا ئامێدیێ وده‌روبه‌ران دورستكربوو لێ ژبه‌ر كو ل زڤستان وئاڤ رابونا روبارێ دێره‌لوكێ شێلى دبوو وئاریشا ئاڤێ بو خه‌لكێ ده‌ڤه‌رێ په‌یدا دبوو وئه‌ڤرو مه پرۆژێ دابینكرنا ئاڤا ساخله‌م بو پترژ 150 هزار كه‌سا ل ده‌ڤه‌رێ ڤه‌كر و سوپاسیا حكومه‌تا ئه‌لمانیا ورێكخراوا (KFW) ورێكخراوا یونسێف ولایه‌نێن دى دكه‌ین كو ئه‌ڤ پرۆژێ گرنگ ب هاوبه‌شى دگه‌ل حكومه‌تا كوردستانێ بو خه‌لكێ ده‌ڤه‌رێ چێكریه.
وته‌كه‌زكر كو ب پشته‌ڤانیا رێزدار مه‌سرور بارزانى سه‌روكێ حكومه‌تا هه‌رێمێ گه‌له‌ك پرۆژه لڤێ ده‌ڤه‌رێ هاتینه بجهئینان ول ساڵا نوو ژى دێ گه‌له‌كێن دن هێنه بجهئینان.
وه‌زیرێ شاره‌وانى وگه‌شت گوزارێ دپه‌یڤه‌كێدا پیروزباهیا خه‌لكێ ده‌ڤه‌رێ كر وسوپاسیا حكومه‌تا ئه‌لمانیا ورێكخراوێن ناڤبرى كر كو ئه‌ڤ پرۆژێ گرنگ ل ده‌ڤه‌را ئامێدیێ چێكریه وئاریشا شێلیبونا ئاڤا ڤه‌خارنێ چاره‌سه‌ركریه.
پاش په‌یڤێن كونسلێ ئه‌لمانیا ورێكخراوێن (KFW) و یونسێف هاتنه خاندن.
هه‌روه‌سا نونه‌رێ خه‌لكێ ده‌ڤه‌را ئامێدیێ دپه‌یڤه‌كێدا سوپاسیا هه‌موو لایه‌نان كر كو ئه‌ڤ پرۆژه بو وان دورستكریه.
پرۆژه ببهایێ (800) هزار دولارا ژلایێ حكومه‌تا ئه‌لمانیا وب هه‌ڤكاریا حكومه‌تا كوردستانێ و رێكخراوێن (KFW) و یونسێف هاتیه چێكرن.
