بو دووڤ چونا پرۆژێن خزمه‌تگوزارى ئه‌وێن ل سه‌نته‌رێ دهۆكێ دهێنه ئه‌نجامدان ئه‌ڤرۆ سپێدێ رۆژا ئێكشه‌مبى 15/ كانوونا دووێ /2023 ب ئاماده‌بونا به‌رێزان د.عه‌لى ته‌ته‌ر پارێزگارێ دهۆكێ و ماجد سه‌ید صالح جێگرێ پارێزگارێ دهۆكێ بو كاروبارێن ته‌كنیكى وجه‌هوه‌ر عه‌لى ده‌ڤه‌ردارێ دهۆكێ ورێڤه‌به‌رێن فه‌رمانگه‌هێن میرى یێن په‌یوه‌ندیدار به‌رێ بنیاتى بو ڤان پرۆژا هاته دانان.
1- دانانا به‌رێ بنیاتى بو پرۆژێ ئاڤاكرنا قوتابخانه‌كا 18 رێزى ل تاخێ ماڵتا سه‌رى ل نێزیك ئاماده‌یا پیسشه‌سازیا دهۆكێ پرۆژه ب گوژمێ ملیاره ك و(451) ملیون دینارا دێ هێته بجهئینان.
2- دانانا به‌رێ بنیاتى بو پرۆژێ ڤه‌كرن وقێركرنا چه‌ند جاده وكولانا ل جهێن جودا جودا ل سنورێ باژێرڤانیێن رۆژهه‌لات ورۆژئاڤا ل باژێرێ دهۆكێ پرۆژه ب گوژمێ (13) ملیار و(366) ملیون دینارا دێ هێته ئه‌نجامدان درێژاهیا وان رێك وجادا پتره ژ55كم.
3- ڤه‌كرنا پرۆژێ قێركرنا جادا 30م ل تاخێ نزاره‌كا نوو هه‌تا دگه‌هیته په‌یمانگه‌ها نولچ پرۆژه دگه‌ل چێكرنا چه‌ند جاده وكولانكا ل تاخێ نزاركێ وئێتیتى وجهێن دى ژلایێ كاڤین گروپ هاتیه ئه‌نجامدان.
هه‌ژى گوتنێ یه هه‌موو پرۆژه ل سه‌ر بودجا حكومه‌تا هه‌رێما كوردستانێ دێ هێنه ئه‌نجامدان.
ل دور پرۆژان پارێزگارێ دهۆكێ گوت: ئه‌م وه‌كو پارێزگه‌ها دهۆكێ به‌رده‌وام وب یه‌كسانى دێ پرۆژێن خزمه‌تگوزارى گه‌هینینه هه‌موو ده‌ڤه‌ردارى وناوچه‌دارى وكومه‌لگه‌ه وگوندان ول رۆژێن بهێت ژى به‌رێ بنیاتى بو چه‌ند پرۆژا ل دهۆكێ ده‌ڤه‌رداریێن دى دێ دانین وهنده‌ك پرۆژا ڤه‌كه‌ین ودیاركر كو ل سالا نوو ژى 2023 دێ كومه‌كا پرۆژا هێنه راگه‌هاندن و ته‌كه‌زكر كو هه‌موو پرۆژه ل ده‌مێ ده‌ست نیشانكرى وب كوالیتیه‌كا باش ول دووڤ پیڤه‌رێن ئه‌ندازیارى بهێنه چێكرن.
