ئه‌ڤرۆ ئێڤارى رۆژا دووشه‌مبى ٢٠٢٢⁄١١⁄١٤ ل هولا شێخ شامو ل بنگه‌هێ لالش یێ ره‌وشه‌نبیرى وجڤاكى ل دهۆكێ وب ئاماده‌بونا به‌رێزان د.عه‌لى ته‌ته‌ر پارێزگارێ دهۆكێ وعه‌لى عه‌ونى به‌رپرسێ لقێ هه‌شت یێ پارتى وچه‌ند نڤیسكار وره‌وشه‌نبیر ساڵڤه‌گه‌را ئێكێ یا وه‌غه‌ركرنا نڤیسه‌ر وروناكبیرێ كورد پیرخدر سلێمان هاته ساخكرن.
دڤان رێ ورسمان چه‌ند شه‌مالك هاتنه هلكرن وفیچه‌ره‌ك ل دور ژیان وبه‌رهه‌مێن پیر خدر هاته نیشادان و په‌یڤا بنگه‌هێ لالش ژلایێ سعید جردوو سه‌روكێ بنگه‌هى هاته خاندن وچه‌ند به‌رپه‌ره‌كێن ژیانا پیر خدر وبه‌رهه‌م وخزمه‌تا وى بو كورد وئێزدیاتیێ به‌رچاڤكرن.
پارێزگارێ دهۆكێ دپه‌یڤه‌كێدا په‌سنا رولێ ره‌حمه‌تى پیر خدر كر ل دور ئه‌و خزمه‌تا دبوارێ ره‌وشه‌نبیرى وجڤاكیدا پێشكێشكرى وگوت: پێدڤى یه هه‌موو ره‌وشه‌نبیر وجڤاكناس مفاى ژپه‌ند وشیره‌تێن پیر خدر سلێمان وه‌رگرن چونكو پیرێ مرادا بوو وژخودایێ دلوڤان خواست كو جهێ ره‌حمه‌تى بكه‌ته به‌هه‌شتا به‌رین وسه‌برو هه‌دارێ بده‌ته كه‌س وكارێن وى.
پاش جعفر سموى به‌حسێ قوناغا چێكرنا په‌یكه‌رێ پیر خدر كو وگوت: هه‌تا نوكه45% هاتیه دورستكرن .
هه‌روه‌سا هه‌ر ئێك ژ شێخ زێدو باعه‌درى وداود مراد خه‌تارى چه‌ند رونكرن ل سه‌ر خه‌باتا ره‌حمه‌تى دبیاڤێ ره‌وشه‌نبیرى وجڤاكیدا به‌رچاڤكرن ودیاركرن كو هه‌موو به‌رهه‌مێن پیر خدر دێ دپه‌رتوكه‌كا به‌رفره‌هدا هێنه چاپكرن.
لدوماهیێ په‌یڤا بنه‌مالێ ژلایێ پیر خه‌لیل هاته خاندن وسوپاسیا هه‌موو لایه‌نان كر.
پیر خدر ل 1952 ل ئێسفنێ ژدایك بویه ول ساڵا 1974 باوه‌رناما به‌كالوریوس بزمانێ كوردى ل زانكویا به‌غدا بده‌ستڤه ئینایه ول سالا 1975 په‌یوه‌ندى ب شوره‌شا ئه‌یلول كریه وپاش ئاواره‌یى ئیرانێ بویه وپشتى سه‌رهلدانێ ڤه‌گه‌ریایه كوردستانێ وچه‌ند سالا بویه سه‌روكێ بنگه‌هێ لالش وئێكه‌تیا نه‌ڤیسه‌رێن كورد وئه‌ندامێ په‌رله‌مانێ كوردستانێ وپتر ژهه‌شت په‌رتوكا چاپكرینه و ل 15-11-2021 وه‌غه‌را دوماهى كریه .
