ئه‌ڤرۆ سپێدێ رۆژا سێشه‌مبى 2022/11/15 ل كومه‌لگه‌ها پیشه‌سازى ل كواشێ ب ئاماده‌بونا به‌رێزان د.عه‌لى ته‌ته‌ر پارێزگارێ دهۆكێ وخه‌لیل مه‌حمود ده‌ڤه‌ردارێ سێمێلێ وچه‌ند رێڤه‌به‌رێن فه‌رمانگه‌هێن میرى وژینگه‌هێ هه‌وا نیشتمانى یا دار چاندنێ هاته ئه‌نجامدان.
ل دور هه‌وێ پارێزگارێ دهۆكێ گوت:گوهورینێن كه‌ش وهه‌واى وهشكه‌سالیا به‌رده‌وام كارگه‌ریا خو كریه سه‌ر ژینگه‌هێ ب تایبه‌تى داراستانا له‌ورا دڤێت سازیێن حكومه‌تا هه‌رێمێ یێن په‌یوه‌ندیار وخه‌لكێ ده‌ڤه‌رێ ب هه‌ڤره خو ل ژینگه‌هێ ودارستانێ بكه‌نه خودان وگرنگیێ ب كلتورێ چاندنا دارا بده‌ن ودهه‌مان ده‌مدا ژینگه‌ها سروشتى باش بهێنه پاراستن.
هه‌روه‌سا ته‌كه‌زكر كو ب هیچ شێوه‌كى نابیت دار بهێنه برین وپێرابونێن یاسایى هه‌مبه‌ر هه‌ر سه‌رپێچاكاره‌كى دێ هێنه وه‌رگرتن.
بریار ئه‌وه دڤێ هه‌وا نیشتمانى دا پتر ژ(5) هزار شتلێن جورا وجور یێن دارا وقوناغ قوناغ ل جهێن گشتى ل سنورێ پاریزگه‌ها دهۆكێ بهێنه چاندن.
ئه‌ڤ هه‌وه ژلایێ رێڤه‌به‌ریا داراستانا وب هه‌ڤكارى دگه‌ل رێڤه‌به‌ریا گشتى یا چاندنێ وباژێرڤانیا وفه‌رمانگه‌هێن ژینگه‌هێ دێ هێته ئه‌نجامدان.
