ئه‌ڤرۆ سپێدێ رۆژا ئێكشه‌مبى ١٥ی گۆلانا ٢٠٢٢ێ ل ناڤ سه‌نته‌رێ باژێرێ دهۆكێ ب ئاماده‌بونا به‌رێزان “د.عه‌لى ته‌ته‌ر “پارێزگارێ دهۆكێ و”فه‌هیم عەبدولا” سه‌روكێ جڤاتا پارێزگه‌هێ و رێڤه‌به‌رێ گه‌شتوگوزارێ و چه‌ند رێڤه‌به‌رێن فه‌رمانگه‌هێن میرى و سه‌رمایه‌داران پرۆژێ هاى پارك هاته ڤه‌كرن .
پارێزگارێ دهۆكێ ویێن دگه‌لدا گه‌ریانه‌ك ل ناڤ پاركى كر وژنێزیك سه‌حكره ره‌وشا پرۆژه‌ى و ده‌ستخوش ل سەرپەرشیتێن پرۆژه‌ى كر وهیڤیا سه‌ركه‌فتنێ بو خواست.
هه‌ژى گوتنێ یه هاى پارك و ئاڤاهیێ قوتابخانا صه‌لاحه‌دین یا كه‌ڤن هه‌موو هاتینه سه‌خبێركرن و بره‌نگه‌كێ جوان هاتینه ئاماده‌كرن بو بێهن ڤه‌دان وپێشوازیكرنا مێهڤانێن بیانى و ئه‌نجامداناچالاكیێن كلتورى وفلكلورى ، هه‌روه‌سا ژورێن ئاڤاهیێ قوتابخانێ دێ هێنه ته‌رخانكرن بو دوكانێن فروتنا جلكێن كوردى وكه‌ل وپه‌لێن فلكلورى وپتریا وان دوكانا دێ ژلایێ ئافره‌تان هێنه برێڤه‌برن.
