ئه‌ڤرو سپێدێ ٢٢⁄٩⁄٢٠١٩ ل تاخێ شاخكێ ب ئاماده‌بونا ماجد سه‌ید صالح پارێزگه‌رێ دهوكێ ب وه‌كاله‌ت ومحمد احمد سلێمان رێڤه‌به‌رێ گشتى یێ كاره‌بێ ل دیوانا وه‌زاره‌تێ وقایمقامێ قه‌زا دهوكێ ورێڤه‌به‌رێن كاره‌بێ ل پارێزگه‌هێ ده‌ست ب دانانا پیڤه‌رێن زیره‌ك یێن كاره‌بێ هاته كرن.
ل دور پروژه‌ى ئه‌ندازیار محمد احمد سلێمان رێڤه‌به‌رێ گشتى یێ كاره‌بێ ل دیوانا وه‌زاره‌تێ گوت:ئه‌ڤرو مه ده‌ست ب دانانا پیڤه‌ر وتورێن زیره‌ك یێن كاره‌بێ ل تاخێ شاخكێ ل دهوكێ كر وئه‌ڤ پروژه ل هه‌ولێرێ ژى كه‌تیه كارى وهه‌ر ئه‌ڤرو ل گه‌ره‌كه‌كا باژێرێ سلێمانیێ ژى دهێته بجهكرن، ئارمانج ژدانا پروژه‌ى ئه‌وه سنورداركرنا مه‌زاختنا كاره‌بێ یه كو ب دادوه‌رى ل سه‌نسه‌رێ هه‌رێمێ بهێته به‌لافكرن وهه‌موو گوهورك ومحه‌ویله بهێنه كونترولكرن وژسوتن وخرابونا بهێنه پاراستن،نه‌هێلانا زێده‌گاڤیا ل سه‌ر تورێن كاره‌بێ ، حكومه‌تا كوردستانێ (300) ملیون دولار بو ڤى پروژه‌ى ته‌رخانكرینه وهاولاتى چ پاره‌ى به‌رمبه‌ر ناده‌ت پێڤه‌ر ل سه‌ر ستوینكێن كاره‌بێ دێ هێنه دانان ول هنده‌ك جها ل سه‌ر ئه‌ردى وپیڤه‌رێن مالا بو ڤێ قوناغێ دێ وه‌كو خومینن وچ ده‌ستكارى تێدا ناهێته كرن هه‌روه‌سا كاره‌با موه‌لیدا ژى دێ وه‌كو خومینیت وداخاز ژوه‌لاتیان وخودانێن موه‌لیدا كر كو دگه‌ل تیمێن كاره‌بێ دهه‌ڤكاربن هه‌تا پروژه ب دوماهى دهێت ئه‌ڤ پروژه دماوێ ١٨ هه‌یڤان دا دێ هێته ئه‌نجامدان.
