ل 26/5/2015 دسه‌ره‌دانا خودا بو قه‌زا ئامێدیێ پارێزگه‌رێ دهوكێ شاندێ دگه‌لدا سه‌را هژماره‌كا پروژا دا به‌راهیێ ب ئاماده‌بونا پارێزگه‌رێ دهوك هه‌ر دوو لایێن تونێلا ده‌رگه‌هێ ئامێدیێ گه‌هه‌شتنه‌ك ئێك و قوناغا ڤه‌كرنا كونا تونێلێ بدیماهیك هات ,, حكومه‌تا هه‌رێمێ بو پروژێ تونێلێ و ده‌رگه‌هێ ئامێدیێ كوژمێ 25 ملیار و 500 ملیون دینار ته‌رخانكرینه و رێژاجهئینانێ گه‌هه‌شتیه رێژا 33% .
دیڤداپارێزگه‌رێ دهوكێ و شاندێ دگه‌لدا سه‌ره‌دانا پروژێ پرا دیره‌لوك دا و سه‌حكره قوناغ و ئاسته‌گێن كاری , حكومه‌تا هه‌رێمێ كوژمێ بو پرا دیره‌لوك ته‌رخان كرینه كو ب كونكریتی بهێته چێكرن وتا نوكه رێژا 60% یا پروژه‌ی هاتیه بجهئینان و كوژمێ 7 ملیار و 400 ملیون بو هاتینه ته‌رخانكرن
ل دیماهیێ پارێزگه‌رێ دهوكێ و شاندێ دگه‌لدا سه‌ره‌دانا پروژێ جوت یدێ شێلادزێ و سه‌حكره كاری دپروژه‌ی دا ,,پروژه ل ژێر سه‌رپه‌رشتیا رێڤه‌به‌ریا گشتی یا باژێرڤانیا ل پارێزگه‌ها دهوكێ دهێته بجهئینان ب كوژمێ 13 ملیار و 583 ملیون دینارا درێژاهیا پروژه‌ی 3800 م و ب فره‌هیا 30 م و رێژا 33% هاتیه بجهئینان و ئه‌ف رێكه دی هه‌ردوو كومه‌لگه‌هێن سیریێ و شلادزێ ب دوو سایدی پێكڤه گرێده‌ت. .
دداخویانیه‌كێ دا بو راگه‌هاندنێ پارێزگه‌رێ دهوكێ دیار كر كو به‌رنامه هه‌یه سه‌ره‌دانا هه‌می قه‌زا بكه‌ن و قه‌زا ئامێدیێ گرنگیا خویا جوگرافی و مێژویی و گه‌شت و گوزاری و خه‌بات و قوربانی دانێ هه‌یه و گوت : دڤێ سه‌ره‌دانێ دا مه كومبونه‌كا گربگ ئه‌نجام دا دگه‌ل رێڤه‌به‌رێن گشتی و رێڤه‌به‌رێن ناحیا و ده‌زگایێن حكومه‌تا هه‌رێمێ ل قه‌زایێ تشتێ باش ئه‌و بو كو گه‌له‌ك كێم و كاسی و گازندێن هه‌ین مه گوهداری كرن ,
ده‌رباره‌ی بریارێن كومبونێ پارێزگه‌ری گوت : دكومبونا دا زوی ب زوی بریار ناهێنه دان ,, مه ل به‌ره هنده‌ك پروژه به‌ری نوكه هاتبو راوه‌ستاندن ده‌ست ب چێكرنا وان بكه‌ین ب تایبه‌ت رێكێن گوندا و هنده‌ك بابه‌تێن گرێدای ساخله‌میێ و باژێرڤانیا وه‌كو پاقژی ,,
دبیاڤێ یاسایی دا گوت : كێشا ژ هه‌میا مه‌زنتر كێشا ته‌سویا عه‌ردی یه ل سنورێ قه‌زا ئامێدیێ و قه‌ره‌بونا كرنا جوتیار و وه‌لاتیان ,,هه‌ر چه‌نده سه‌روكاتیا ئه‌نجومه‌نێ وه‌زیران بریار دایه قه‌ره‌بویا ته‌سویێ بهێته راگرتن لێ ئه‌م دێ بزاڤێ كه‌ین وێ كێشێ چاره‌كه‌ین و قه‌ره‌بویا خه‌لكی بهێته كرن. .
هه‌روه‌سا پاَرێزگه‌ری دهوكێ گوت : ئارمانجا دێ ئه‌و بو سه‌ره‌دانا هژماره‌كا پروژا بده‌ین ٍوه‌كو تونێلا ده‌رگه‌هێ ئامێدیێ و پرا دیره‌لوك و جوت سایدێشێلادزێ سیریێ بده‌ین كو هه‌می پروژێن گرنگن بو ده‌ڤه‌رێ و بخوشحالی ڤه كومپا نیا دارین دسه‌ر هندێ را كو بودجه هاتیه راوه‌ستاندن لێ ئه‌و به‌رده‌وامه ل سه‌ر كاری ئه‌ف هه‌لویستی ڤێ كومپانیێ جهێ سوپاسیێ یه و ئه‌ف پروژه گه‌له‌ك دگرنگن بو اده‌ڤه‌را ئامێدیێ ,
بو چاره‌كرنا بابه‌ت و ئاریشا گلێشی ل سنورێ قه‌زا ئامێدیێ گوت : مه ب هویری به‌حس ل ڤی بابه‌تی كر و رێڤه‌به‌ریا گشتی یا باژێرڤانیا ل دهوكێ پێدڤیه هنده‌ك جها ببینن بو گلێشخانا و وه‌سا دیاره كاره‌ك ل سه‌رهاتیه كرن ب تایبه‌ت بو قه‌زا ئامێدیێ و قوناغا دوویێ دێ بزاڤێ كه‌ین كو كارگه‌ها چاره‌كا گه‌ها چاره‌كرنا گلێشی و به‌رمایكا بهێته دانان ل سنورێ قه‌زا ئامێدیێ
