ل 
10/6/2015 ب ئاماده‌بونا به‌رێز فه‌رهاد ئه‌مین ئه‌تروشی پارێزگه‌رێ دهوكێ ل هولا رێڤه‌به‌ریا گشتی یا ساخله‌میا پارێزگه‌ها دهوكێ گه‌نگه‌شا ستاندرتێ بنگه‌هێن ساخله‌میێ ل هه‌رێما كوردستانێ كو ژلایێ رێكخراوا (aispo ) یا ئیتالی هاتیه به‌رهه‌ف كرن هاته كرن , پارێزگه‌رێ دهوكێ ده‌ست خوشی ل رێڤه‌به‌ریا گشتی یا ساخله‌میێ و رێكخراوا نافبری كر بو به‌رهه‌ف كرنا ڤی كاری و دیار كر كو رێكخستن دهه‌ر كاره‌كی دا دێ بیته ئه‌گه‌رێ سه‌ركه‌فتنێ و هیڤی خواست كو ئه‌و دیزانیێن دهێنه پێشكێشكرن جهی رازیبونێ و مفای بن بو پێشڤه‌برنا كه‌رتێ ساخله‌میێ ل هه‌رێما كوردستانێ و خزمه‌تكرنا زێده‌تر یا ولاتیان ,
دیڤدا دپریس كونفرانسه‌كی دا به‌راهیێ دكتور نزار عسمه‌ت رێڤه‌به‌رێ گشتی یێ ساخله‌میێ ل دهوكێ دیار كو ب چاڤدیریا پارێزگه‌رێ دهوكێ ئه‌ف ورك شوپه بو دانانا ستاندارته‌كی نویێ بنگه‌هێن ساخله‌میێ ب هه‌فكاریا رێكخراوا aispo یا زانكویاساكاریا یا ئیتالی كو ل ئیتالیا ئه‌ف دیزاینه هاتیه دورست كرن ,
هه‌روه‌سا دیار كر كوبزاف دبه‌رده‌وامن بو پێشڤه‌برنا ساخله‌میێ ل كوردستانێ و ب تایبه‌ت ل دهوكێ ,
دیڤدا پارێزگه‌رێ دهوكێ ده‌ست خوشی ل رێڤه‌به‌ریا گشتی یا ساخله‌میێ و رێكخراوا aispo یا ئیتالی كر بو ڤی كارێ دهێته ئه‌نجام ,و گوت : هندی كار بو ساخله‌میێ بهێته كرن كێمه ژبه‌ر كو سه‌ته‌ره‌كی گه‌له‌ك گرنگه دهه‌ر جڤاكه‌كی دا دیاره وه‌لاتێن جیهانی یێن پێشكه‌فتی وه‌كو ئیتالیا به‌رده‌وام بزاڤێ دكه نكو سه‌نته‌رێن ساخله‌میی یێن باش دورست بكه‌ن داكو چاره‌سه‌ریێن باشتر بو نه‌خوشان ببینن مه‌ره‌م ژێ ئه‌وه كوژیانه‌كا باشتر و ساخله‌میه‌كا باشتر و ژیه‌كێ درێژتر بو مروڤان بهێته دابینكرن ئه‌ڤه‌ژی ئێك ژپیڤه‌رێن UN یه و داكوكیێ ل سه‌ر دكه‌ت ,, ژیێ مرڤی و درێژاهیا ژیێ مروڤان گرێدای ساخله‌میه‌كا باش و دروسته زبه‌ر هندێ ڤێ رێكخراوێ دیزاینه‌كا نوی ب ستانده‌رتێ ئه‌روپی به‌رهه‌ڤ كریه بو رێڤه‌به‌ریا ساخله‌میا دهوكێ و بو وه‌زاره‌تا ساخله‌میا هه‌رێمێ داكو ل ئاینده‌كێ نێزیك شیان هه‌بون ئه‌ف جوره ستاندارته بهێنه دورستكرن داكو بگه‌هینه ستانده‌رتێن نێڤ ده‌وله‌تی ب تایبه‌ت یێن ئه‌وروپی داكو خزمه‌تێن باشتر پێشكێشی هاولاتیێ خو بكه‌ین دبیاڤێ ساخله‌میێ دا و یا پێدڤیه بێژم سه‌رێ هه‌ر تشته‌كێ ره‌وشه‌نبیریێ بو خه‌لكێ خو په‌یدا بكه‌ین داو مفا بهێته وه‌رگرتن ب تایبه‌تیره‌وشه‌نبیریا ساخله‌میێ په‌یدا بكه‌ین چونكی خوپاراستن باشتره ژ چاره‌سه‌ریێ له‌وما پێدڤیه پوته‌كێ مه‌زن بده‌ینه خوارنا خو و گرنگیێ ب ده‌ینه ستایلێ ژیانا خو داكو پێدڤی ب گه‌له‌ك ڤان تشتا نه‌بین هه‌مبو حكومه‌تێ باشه و دیسان بو هاولاتی ژی باشتره ,..
دیسان سوپاسیا تیمێ ئیتالی كر بو ڤی كارێ دهێته كرن ژلایێ وانڤه بو دیزاینا بنگه‌هێن ساخله‌میێ یێن رێك و پێك و پێشكه‌فتی .
