ژ بزاڤێن سه‌نته‌رێ به‌شكچى یێ ڤه‌كولینێن مروڤایه‌تى یێ سه‌رب زانكویا دهوكێ ڤه و ب ئاماده‌بونا به‌رێز( فه‌رهاد ئه‌مین ئه‌تروشى) پارێزگه‌رێ دهوكێ و (دكتور مصلح) سه‌روكێ زانكویا دهوكى و هژماره‌كا زور یا ماموستا و قوتابیێن زانكویێ و ره‌وشه‌نبیران ئه‌ڤرو 18/11/2019 پروفیسور دكتور ئیسماعیل به‌شكچى سمیناره‌ك ل ژێر ناڤێ ( دوزا كوردى دچوار چوڤێ هه‌ڤركیێن هه‌رێمى و نیڤده‌وله‌تى ژ 1020 تا 2017ێ) پێشكێشكر ,
د سمینارێ به‌راهیێ به‌حسێ قوناغا شه‌رێ جیهانى یێ ئێكێ كر و گوت پشتى شه‌رێ جیهانێ یێ ئێكێ گه‌له‌ك ده‌وله‌تێن نوى هاته دامه‌زراندن و و گه‌له‌كێن دى ژناڤ چون و ل روژ هه‌لاتا ناڤین هه‌مى گه‌هه‌شتنه مافێن خو بتنێ كورد نه‌بن هه‌مى هێزێن ئیمپریالى دگه‌ل جێگرێن ده‌وله‌تا ئوسمانى بو نه شه‌ریكێن ئێك بو پارچه‌كرنا موردستانێ و نه‌هێلا ببنه چ ,
هه‌روه‌سا ل شه‌رێ جیهانى یێ دویێ بدیماهیك هات و سالا 1945 نه‌ته‌وه‌یێن ئێكگرتى هاته دامه‌زراندن و گه‌له‌ك هه‌فكێشه هاتنه گوهرین لێ دیسا چ تشت بو كوردا نه‌هاته كرن و به‌لكى بارێ وان خرابتر لێهات و بزاڤا دامه‌زراندنا ده‌وله‌تا فله‌ستینى هاته كرن و بتنێ ده‌وله‌تا ئیسرائیلى رێگر بویه بو دامه‌زرندنا ده‌وله‌تا فله‌ستینێ لێ رێگریا ده‌وله‌تا كوردى چوار ده‌وله‌تێن كورد تێدا زێده‌بارى ئه‌مریكا و روسیا نه‌ڤێن كورد بگه‌هنه مافێن ده‌وله‌ت بونێ ,
پاشى هاته سه‌ر رێككه‌فتنا 11 ى ئادارا سالا 1970 ئه‌وا دنافیبه‌را مه‌لا مسته‌فا بارزانى و رژێما به‌عس یا وى وه‌ختى هاتیه موركرن و گوت : پشتى ئیمزا كرنا وێ رێكه‌فتنێ هه‌مى بزاڤ هاتنه كرن كو ئه‌ف رێككه‌فتنه سه‌ر نه‌گریت و زناڤ بچیت و توركیا و سوریێ و ئیران پشته‌ڤان بون كو ئه‌ف رێككه‌فتنه نه‌مینیت و ئه‌و ب رێككه‌فتنا جه‌زائیر كو بهاریكاریا ئه‌میركا بو ئه‌و رێكه‌فتن هاته ژناڤ برن ,
دیڤدا به‌حسێ قوناغا پشتى ژناڤچونا رژێما به‌عس كر و گوت . ل سالا 2005 ێ ده‌ستوره‌ك بو ئێراقێ هاته نڤیسین و بنه‌جه بو ودڤى ده‌ستورى دا ماددێ 140 هاته بنه‌جهكرن كو تێدا هه‌مى ده‌ڤه‌رێن كوردستانێ ب رێكا هه‌لبژارتنا ڤه‌گه‌رینه سه‌ر ئاخا كوردستانێ و كه‌ركیك ئێك ژوان ده‌ڤه‌را بو لێ دیسا ده‌وله‌تێن ئه‌قلیمى و نیڤده‌وله‌تى بونه رێگر و بزاڤ كرن و تا نوكه ئه‌و مادده نه‌هاته بجهئینان و نوكه برێكا خونیشاندانا هنده‌ك لایه‌ن یێ بزاڤێ دكه‌ن كو ده‌ستورێ ئێراقێ بهێته راستڤه‌كرن و هه‌مى بزاڤ دێ ئه‌و بن كو مافێن كوردا تێدا نه‌هێنه بنه‌جه كرن و دڤیت كورد گه‌له‌ك دهشیار بن دڤێ قوناغێ دا ,
هه‌روه‌سا دكتور ئیسماعیا به‌شكچى گوت . تاكه ده‌لیڤا بو كوردا په‌یدا بوى كو تێدا بزاڤێ بكه‌ن بگه‌هنه مافێن خو یێن ده‌وله‌ت بونێ ریفراندوما سالا 2017 ێ بو ئه‌وژى ب پیلانێن هه‌رێمى و نیڤده‌وله‌تى و هاریكاریا لایه‌نێن نافخویى هاته ژناڤ برن و ئه‌و خون ژى نه‌هێلا .. ملله‌ته‌ك 50 ملیون كه‌سى نه‌شیایه ب مافێن خو شاد ببیت ژبه‌ر پیلانێن نێڤده‌وله‌تى و هه‌رێمى له‌وما ئه‌ندام بون بو كوردا دنه‌ته‌وه‌یێن ئێكگرتى دا گه‌له‌ك گرنگه ,
ل دیماهیێ گوت گه‌له‌ك گوهرین ل سیاسه‌تێن ده‌وله‌تى دهێنه كرن دبیت كورد بشێن خو بكه‌نه ئه‌ندام دخێزانا نه‌ته‌وه‌یێن ئێكگرتى دا .
ل دیماهیا سمینارێ ده‌رگه‌هێ پرسیارا هاته ڤه‌كرن و چه‌ندین پرسیار ل سه‌ر ناڤه‌روكا سمینارێ هاتنه كرن و به‌رسڤ ژلایێ دكتور ئیسماعسل به‌شكچى ڤه ل سه‌ر هاته دان
