گرنگیدان ب کەرتێ گەشتیارى ئەڤرۆ سپێدێ رۆژا سێشەمبى 13/خزیرانێ /2023 ێ ب ئامادەبونا بەرێزان ” ساسان عەونى” وەزیرێ شارەوانى وگەشت وگوزارى و”د.عەلى تەتەر” پارێزگارێ دهۆکێ وچەند بەرپرسێن گەشتیارى ل پارێزگەهێ ئوتێلا سوفیا ل ناڤ سەنتەرێ باژێرێ دهۆکێ ل سەر جادا میدیا بەرانبەر باخچێ گیانەوەرا هاتە ڤەکرن.
وەزیرێ شارەوانى وگەشت وگوزارى و پارێزگارێ دهۆکێ گەریانەک ل ناڤ ژور وهولێن ئوتێلێ کر وژنێزیک سەحکرە رێک وپێکیا وێ بو پێشوازیکرنا مێهڤانان وپیروزباهیا خودانێ ئوتێلێ کر وهیڤى خاستن سەرمایدار و وەبەرهێنەر پرۆژێن گەشتیارى ل دەڤەرێ ئاڤاکەن وپشتەڤانیا حکومەتا هەرێمێ نیشان دا بو هەر هاریکاریەکێ.
هەژى گوتنێ یە ئوتێلا سوفیا یا چار ستێرە ژنەه نوهوما و(43) ژورا وهولێن کونفرانسا وەرزشى وژورێن (vip) وخارنگەه وباخچا پێک دهێت .
