ــ چەند برگەیێن بالکێش، تابلویێن دلخوشکەر و تابلویێن ب ئازار، خەلاتکرنا رێڤەبەرێن سازیێن جودا و رێکخروێن بیانی و هەمو لایەنێن د بوارێ پاراستنا مافێن زاروکاندا کاردکەن
ب چاڤدێریا پارێزگەها دهوکێ و لژێر دروشمێ
( وەبەرهێنان د زارۆکیدا وەبەرهێنانە د پاشەروژێدا )
ئەڤرو ١٨ی٢٠٢١/١١ ل هولا خەلەفێ زێباری لناڤەندا قوتابیان یا زانکویا دهوك ب ئامادەبونا بەرێزان” شمعون شلیمون ایشو ” جێگرێ پارێزگارێ دهوکێ و رێڤەرێ گشتی یێ رێڤەریا چاڤدێری و گەشەپێدانا جفاکی و رێڤەبەرێن چەندین دامو دەزگایێن میری و حکومی و سازیێن جودا روژا جیهانی یا رێکەفتنناما مافێن زاروکان هاتە ساخکرن
ب وێ هەلکەفتێ تیپا شاریا یا زاروکان چەند ستران پێشکێشکرن
پاش هەرئێك ژ بەرێزان جێگرێ پارێزگاری و رێڤەرێ چاڤدێری و گەشەپێدانێ پەیڤێن جودا پێشکێشکرن باس ل کاروبارێن وان سازیان کر یێن د بوارێ پاراستنا مافێن زاروکاندا کاردکەن ب تایبەت لناف کەمپێن ئاوارە و پەنابەران
سازیین نافخویی و رێکخراو و پالپشتێن بیانی SKL و یونسێف و جیئای زێت هەمو هاتنە خەلاتکرن
د برگەیەکادیدا تیپەکا هونەرێ مللی یا زاروکان ل کەمپا دومیز دیلانا کوردی ب تابلویێن جوان پێشکێشکر
هەر دوێ ئاهەنگێدا زاروکا خودان شیان ، جەیلان، یا ژ روژئاڤایێ کوردستانێ ژ سەمێ چەندین دەردەسەریان پەنابەری سنورێن پارێزگەهێ بوی خوە فێری هونەرێ شێوەکاری دکەت تابلویێن خوە یێن پری رامان و سەرنجراکێش و دلژان بەرچاڤکرن سەرنجا هەمو ئامادەبویان راکێشا
ل دوماهیێ ئەو زاروکێن ل کەمپێن سنورێ پارێزگەهێ بەشدارکرین ب سوپرایزەکێ دلخوشکرن ژێر هەمو کورسیێن وان پرکربون ژ کەلوپەلێن قوتابخانێ و دیاریێن جوان
هەلکەفتا ناڤبیر ژلایێ رێڤەریا گشتی یا چاڤدێری و گەشاپێدا جفاکی و ب جاڤدێریا پارێزگەها دهوکێ هاتە ساخکرن
ل ٢٠ێ چریا دوێ سالا ١٩٨٩ ب ئەندامەتیا چەندین دەولەتێن
جودا رێکەفتناما مافێن زاروکان هاتە واژوکرن پاش وەکو روژەکا جیهانی هاتە دەستنیشانکرن سالانە ل چەندین وەلاتێن جیهانێ د هێتە ساخکرن
پارێزگەها دهوکێ لژنەیەکا بلند هەیە بەردەوام لگەل هژمارەکا سازیێن ناڤخویی و بیانی کاردکەت بو بەرقەرارکرنا مافێن هەمو تەخێن زاروکان.
