بو دووڤ چونا پرۆژێن خزمەتگوزارى ئەوێن ل دەڤەرداریا ئامێدیێ دهێنە ئەنجامدان ئەڤرۆ سپێدێ رۆژا پێنچشەمبى 12/ کانوونا دووێ /2023 ب ئامادەبونا بەرێزان د.عەلى تەتەر پارێزگارێ دهۆکێ و وارشین سەلمان دەڤەردارێ ئامێدیێ ورێڤەبەرێن فەرمانگەهێن میرى بەرێ بنیاتى بو چەند پرۆژا هاتە دانان.
ل دەستپێکێ پارێزگارێ دهۆکێ سەرا پرۆژێ سەخبێرکرنا رێکا دەرگەهێ سەرەکى یێ ئامێدیێ دا وژنێزیک سەحکرە قوناغێن چێکرنێ پاش بەرێ بنیاتى بو ڤان پرۆژان دانا.
• دانانا بەرێ بنیاتى بو سەخبێرکرن وقێرکرنا رێکا گوندێن کەڤنە مژێ ورێکا سەرەکى ورێکێن نافخویى یێن گوندێ سەرگەلێ پرۆژە ل سەر بودجا حکومەتا هەرێما کوردستانێ بگوژمێ (812) ملیون دینارا ژلایێ کومپانیا رۆین دێ هێتە ئەنجامدان.
• دانانا بەرێ بنیاتى بو چێکرنا رێکێن نافخویى ل سەنتەرێ ناوچەداریا دێرەلوکێ پرۆژە ل سەر بودجا حکومەتا هەرێما کوردستانێ ب گوژمێ (677) ملیون دینارا ژلایێ کومپانیا شاهوار دێ هێنە چێکرن.
• دانانا بەرێ بنیاتى بو گەهاندنا کارەبێ بو تاخێن جوداجودا وبو گوندێ هاریکا ونەخوشخانێ و فەرمانگەها کارتا نیشتمانى ل سەنتەرێ دێرەلوکێ پرۆژە ل سەر بودجا حکومەتا هەرێما کوردستانێ بگوژمێ (310) ملیون دینارا ژلایێ کومپانیا ئەدما دێ هێتە بجهئینان .
• دانانا بەرێ بنیاتى بو دەرئێخستنا فیدەرا ژوێستگەها شێلادزێ پرۆژە ل سەر بودجا حکومەتا هەرێما کوردستانێ بگوژمێ (358) ملیون دینارا ژلایێ کومپانیا ئەدما دێ هێتە چێکرن .
• دانانا بەرێ بنیاتى بو چێکرن وقێرکرنا رێکێت نافخویى ل ناوچەداریا شێلادزێ پرۆژە ل سەر بودجا حکومەتا هەرێمێ بگوژمێ ملیارە و(661) ملیون دینارا ژلایێ کومپانیا شاهوار ومان گروپ دێ هێتە دورستکرن.
• دانانا بەرێ بنیاتى بو دابینکرنا ماتورێن ئاڤێ بو پرۆژێ ستراتیجى یێ ئاڤێ ل دێرەلوکێ وگەهاندنا ئاڤێ بو عومبارا ئاڤێ یا 4000م3وسەخبێرکرن وگەهانا ئاڤێ بو تاخێن جودا ل شێلادزێ پرۆژە ل سەر بودجا حکومەتا کوردستانێ ب گوژمێ (241) ملیون دینارا ژلایێ رێڤەبەریا ئاڤا دەوروبەران دێ هێتە ئەنجامدان.
• دانانا بەرێ بنیاتى بو ئاڤاکرنا قوتابخانەکا 18 رێزى ل کومەلگەها سیریێ پرۆژە ل سەر بودجا حکومەتا هەرێمێ ب گوژمێ ملیارە ک و(807) ملیون دینارا دێ ژلایێ کومپانیا سیهاد هێتە بجهئینان.
• پارێزگارێ دهۆکێ دیارکر کو ل سالا 2022پتر ژ (88) پرۆژێن خزمەتگوزارى ل سنورێ دەڤەرداریا ئامێدیێ دێ هێنە ئەنجامدان وچار بدوماهى هاتینە و(70) هاتینە ئیحالەکرن وکار ل سەر دهێتە کرن و14 پرۆژە دێ هێنە راگەهاندن هەروەسا ژبلى وان پرۆژا هندەک پرۆژێن دى دوارێ شینوارى وگەشتوگوزارى ژى دا دێ هێنە ئەنجامدان وخواست کو هەموو پرۆژە لدووف پیڤەرێن ئەندازیارى وب کوالیتیەکا باش بهێنە بجهئینان.
