بەردەوامیدان ب گەهاندنا پرۆژێن خزمەتگوزارى بو هاولاتیان ئەڤرۆ سپێدێ رۆژا پێنچ شەمبى 6ی نیسانا 2023ێ ب ئامادەبونا بەرێزان “د.عەلى تەتەر” پارێزگارێ دهۆکێ و”ماجد سەید سالح” جێگرێ پارێزگارى و”جەهوەر عەلى” دەڤەردارێ دهۆکێ و چەند رێڤەبەرێن پەیوەندیدار بەرێبنیاتى بو ڤان پرۆژان ل سنورێ دەڤەرداریا دهۆکێ هاتە دانان:
1- دانانا بەرێ بنیاتى بو سەخبێرکرنا تورێن کارەبێ ودانانا گوهورکا ل سنورێ دەڤەرداریا دهۆکێ بکوژمێ 655ملیون دینارا.
2- دانانا بەرێ بنیاتى بو نوژەنکرنا (16) قوتابخانا ل سنورێ پەروەردێن رۆژهەلات ورۆژئاڤایێ دهۆکێ بکوژمێ 444ملیون دینارا.
3- دانانا بەرێ بنیاتى بو ئاڤاکرنا قوتابخانەکا 18رێزى ل گوندێ ئێمینکى ل ناوچەداریا زاویتە ب کوژمێ (1) ملیارەک و(593) ملیون دینارا.
لدور پرۆژان پارێزگارێ دهۆکێ گوت: بەردەوامیدان ب گەهاندنا پرۆژێن خزمەتگوزارى ئەڤرو مە بەرێ بنیاتى بو چەند پرۆژا ل سەنتەرێ دهۆکێ ودەروبەران دانا ، بهایێ ڤان پرۆژا (2) ملیار و(704) ملیون دیناربوون ئەڤە ژپرۆژێن ساڵا 2022بوون وکاروانێ ئاڤەدانیێ وگەهاندنا پرۆژێن خزمەتگوزارى ل سالا نوو 2023 ێ ژى دێ یێ بەردەوامبیت.
