بو دووڤ چونا پرۆژێن خزمەتگوزارى ئەوێن ل دەڤەرداریا سێمێلێ دهێن ئەنجامدان ئەڤرۆ ئێڤارى رۆژا چارشەمبى 11/ کانوونا دووێ /2023 ب ئامادەبونا بەرێزان د.عەلى تەتەر پارێزگارێ دهۆکێ وخەلیل مەحمود دەڤەردارێ سێمێلێ وچەند بەرپرسێن حزبى وئیدارى بەرێ بنیاتى بو چەند پرۆژا هاتە دانان.
• دانانا بەرێ بنیاتى بو سەخبێرکرن وقێرکرنا (13)کم رێکا گوندێن (دارێ – بوسریان) 7،6کم و( (گەرماڤا محمد ئاغاى ) 2،5کم و رێکێن نافخویى ل گوندێ گرێ گەورێ 3،6کم ، پرۆژە ل سەر بودجا حکومەتا هەرێما کوردستانێ بگوژمێ (1) ملیارەک و(375) ملیون دینارا ژلایێ کومپانیا مراد دهێتە ئەنجامدان.
• دانانا بەرێ بنیاتى بو چێکرنا رێکێن نافخویى دگەل ئاڤ رێژا ل کومەلگەها خانکێ وچێکرنا رێکێن نافخویى ل کومەلگەها مسێریکێ وچێکرنا رێکێن نافخویى ل کەرتێ 12 ل تاخێ گولان ل سێمێلێ وچێکرنا سایدەکى ل جادا (30) مترى ل نێزیک دەورا جەرکى دگەل سولینا هەروەسا چێکرنا رێکێن نافخویى ل کێڤلا ل تاخێ میتان ل تەناهى ، پرۆژە ل سەر بودجا حکومەتا هەرێما کوردستانێ ب گوژمێ (1) ملیارەک و(849) ملیون دینارا ژلایێ کومپانیا دوبان دێ هێنە چێکرن.
• ڤەکرنا پرۆژێ سەخبێرکرنا رێکا سەرەکى ورێکێن نافخویى ل کومەلگەها گرێ گەورێ .
• دانانا بەرێ بنیاتى بو گەهاندنا کارەبێ بو ماڵێن نوو ودانانا گوهورکا بو سەنتەرێ سێمێلێ ودەروبەران ژوێستگەها دومیز پرۆژە ل سەر بودجا حکومەتا هەرێما کوردستانێ بگوژمێ (810) ملیون دینارا ژلایێ کومپانیا ئەدما دهێتە ئەنجامدان.
• ل دوماهیێ بەرێ بنیاتى بو چێکرنا رێکێت نافخویى ل گوندێ سێجێ وتاخێن شەهیدان وئازادى دگەل چێکرنا سایدەکێ خزمەتگوزارى بو ئەندەرپاسا سێمێلێ وسەخبێرکرنا رێکێن نافخویى ل سەنتەرێ سێمێلێ پرۆژە ل سەر بودجا حکومەتا هەرێمێ ب گوژمێ (1) ملیارەک و(854)ملیون دینارا ژلایێ کومپانیا مراد دێ هێنە چێکرن.
پارێزگارێ دهۆکێ دیارکر کو ل سالا 2022پتر ژ56پرۆژێن خزمەتگوزارى ل سنورێ دەڤەرداریا سێمێلێ دێ هێنە ئەنجامدان 42ژوان کەفتینە کارى و14ژى دقوناغا راگەهاندنێ دانە بهایێ وان پترە ژ 19ملیار دینارا وتەکەزکر کو ل سالا نوو ژى دێ کومەکا پرۆژا بو خەلکێ دەڤەرێ هێنە راگەهاندن وخواست کو هەموو پرۆژە لدووف پیڤەرێن ئەندازیارى وب کوالیتیەکا باش بهێنە بجهئینان.
