ئێڤاریا ئەڤرۆ رۆژا پێنچشەمبی رێکەفتی ٧ی چریا ئێکێ ٢٠٢١ێ ب ئامادەبوونا بەرێز “د.عەلی تەتەر” پارێزگارێ دهۆکێ وپەرلەمانتار و سەرۆک زانکۆ و رێڤەبەرێن گشتی ئاهەنگا دەرچوونا گەرا دووێ و سیێ یا پەیمانگەها ئارارات هاتە گێران.
دپەیڤەکێدا پارێزگارێ دهۆکێ پیرۆزباهی ل دەرچوویێن پەیمانگەهێ و کەسوکارێن وانکر رۆلێ گرنگێ زانکۆیێ دپێگەهاندنا مرۆڤی و ئاڤاکرنا کەسانێن ئاکادیمی بلند نرخاند، ئاماژە ب رۆلێ دەرچوویان دخزمەتکرنا گەل و وەلاتیدا ب رێیێن زانستی و جودا جوداکر و هیڤیا سەرکەفتن و بەرەف پێشڤەچوونێ بۆ دەرچوویێن پەیمانگەهێ خواست.
پاشان “د.شرین حسنی” راگرا پەیمانگەهێ پەیڤەک پێشکێشکر و پشتی سویندخارنا دەرچوویان سەرکەفتیێن ئێکێ یێن پەیمانگەهێ ژلایێ پارێزگارێ دهۆکێ ڤە هاتنە خەلاتکرن.
