بو دووڤ چون وبجهئینانا پرۆژێن خزمەتگوزارى ئەڤرۆ سپێدێ رۆژا چارشەمبى 15/ ئادارا /2023 ب ئامادەبوونا بەرێزان د.عەلى تەتەر پارێزگارێ دهۆکێ و مەردان خدر بەرپرسێ لقێ 9 یێ پارتى دیموکراتى کوردستان وشعبان خەلیل دەڤەردارێ ئاکرێ ب وەکالەت وچەند بەرپرسێن حزبى وئیدارى بەرێ بنیاتى بو ڤان پرۆژان ل سنورێ دەڤەرداریا ئاکرێ هاتە دانان.
1- دانانا بەرێ بنیاتى بو ئاڤاکرنا دوو قوتابخانا ئێک یا 18پولى وئێکا 12 پولى ل سەنتەرێ ناوچەداریا گردەسین ب گوژمێ (2) ملیار و(795) ملیون دینارا ، پاش هەوەکا دار چاندنێ ل سەنتەرێ ناوچەداریێ هاتە ئەنجامدان .
2- دانانا بەرێ بنیاتى بو ئاڤاکرنا قوتابخانەکا 12پولى ل تاخێ گولان ل سەنتەرێ ئاکرێ ب گوژمێ (1) ملیار و(239) ملیون دینارا.
3- دانانا بەرێ بنیاتى بو چێکرنا بوندێن بجێل وشەرمن ب گوژمێ (855) ملیون دینارا.
4- دانانا بەرێ بنیاتى بو چێکرنا رێکێت نافخویى ل سەنتەرێ ناوچەداریا بجێل ب گوژمێ (318) ملیون دینارا.
5- دانانا بەرێ بنیاتى بو چێکرنا بنگەهەکێ ساخلەمیێ یێ پێشکەفتى ژجورێ (A) دگەل هولا زارۆکبۆنێ ل سەنتەرێ ناوچەداریا دینارتە ب گوژمێ ملیارەک و(28) ملیون دینارا.
6- دانانا بەرێ بنیاتى بو چێکرنا رێکێت نافخویى ل سەنتەرێ دینارتە ب گوژمێ (327) ملیون دینارا.
7- ڤەکرنا رێکا گوندێ گویسکێ ب درێژیا (2،7) کم دگەل سەخبێرکرنا هەردوو پرێن ئاسنى ل گەلى زەنتە ل ئاکرێ بگوژمێ (336) ملیون دینارا.
8- ل دوماهیێ پارێزگارێ دهۆکێ سەرا نەخوشخانا گولان ل ئاکرێ دا وژنێزیک سەحکرە ئامیرەتێ رەنینێ ئەو بو نەخوشخانێ هاتیە دابینکرن کوبهایێ وى دوو ملیار دیناربوون.
ل دور پرۆژان پارێزگارێ دهۆکێ گوت: ئەو پرۆژێن ئەڤرو مە بەرێ بنیاتى بو داناى ومە ڤەکرین بهایێ وان پترە ژهەشت ملیار دینارا وهەموو سەکتەران ب خوڤە دگریت وئەو پرۆژە هەموو یێن ساڵا 2022بوون ول دووڤ راسپاردێن بەرێز مەسرور بارزانى سەروکێ حکومەتا هەرێما کوردستانێ بوساڵا 2023 ژى مە بەرنامەکێ بەرفره هەیە کو کومەکا پرۆژێن خزمەتگوزارى یێن جورا وجور ل هەموو دەڤەردارى وناوچەدارى وکومەلگەه وگوندێن پارێزگەهێ ئەنجامدەین.
