ئه‌ڤرو ل رێکەفتی ٢٠٢٣/١/٢٢ روژا ئێكشه‌مبی ل هولا سه‌نته‌رێ پێشمه‌رگه ب ئاماده‌بونا به‌رێزان ” ماجد سه‌ید سالح ” نونه‌رێ پارێزگارێ دهوكێ و “شمعون شلیمون ایشو ” جێگرێ پارێزگارێ دهوكێ و چەند کەسایەتی یێن حزبی و حکومی و لەشکەری و قوتابی ئافره‌ت و لاوان, مالا لاوان یا ئێکەتیا لاوێن دیمۆکراتا کوردستانێ راببون ب گێرانا پەنەلەکی بهەلکەفتا دامەزراندنا ٧٧ حەفتێ و حەفت سالیادا دامەزراندنا کومارا کوردستان ب ناڤێ (کۆمارا کوردستان، دیرۆک، ئەزمۆن و سیاسەت)
ده‌ستپێكێ به‌رێزان ” ماجد سەید سالح” نوینەرێ پارێزگارێ دهۆکێ ” شمعون شلیمون ایشو ” جێگرێ پارێزگارێ دهوكێ و ” کاوار رەسول” بەرپرسێ مالا لاوان، دپه‌یڤێن جودادا باس ل گرنگیا کومارا کوردستان و بزاڤا رزگاریخوازا کوردستانێ و گرنگیا ساخکرنا ڤێ یادێ و رولێ لاوان دڤێ کومارێ دا كر
پاشان هەردوو پانێستڤانێن هێژا: “د.هۆگر تاهر” مامۆستایێ زانینگەهێ لدۆر (کۆمارا کوردستان کاریگەری و سەربور) و
” د.نزار گۆلی ” مامۆستایێ زانینگەهێ لدۆر (ئەگەرێن ناڤدەولەتی یێن ژ نافچوونا کۆمارا کوردستانێ) بابەتێن خۆ پێشکێشکرن ل دووماهیا پانێلێ گەنگەشە و پرسیار هاتنەکرن،
دوماهیێ سوپاسی و رێزلێنان ” ژلایێ مالا لاوانڤه “پێشکێشی هەردوو پانێلستان هاتنه كرن و نونه‌رێ پارێزگارێ دهوكێ ده‌سخوشی ل مالا لاوان یا ئێکەتیا لاوێن دیمۆکراتا کوردستانێ كر و خواست د بزاڤێن بڤی ئاوایدا یێن ناساندنا دیروكا گه‌لێ كورد و زنجیره شوره‌شێن جوداجودا و به‌ربه‌لاڤكرنا هه‌ستا نه‌ته‌ویی لناڤ ته‌خا زێرینا گه‌نجو لاواندا به‌رده‌وام بن.
