ب سه‌رپه‌رشتیا به‌رێز فه‌رهاد ئه‌مین ئه‌تروشی پارێزگه‌رێ دهوكێ لژنا خزمه‌تگوزاری ل پارێزگه‌ها دهوكێ كوم بو ,
دكومبونێ دا پارێزگه‌رێ دهوكێ ته‌ئكید ل سه‌ر دیف چونا كاروبارێن خزمه‌تكاری یێن گرێدای ژیان و ژیارا وه‌لاتیان و نه‌هێلانا كێماسیان كر
دیڤدا گه‌نگه‌شا هژماره‌كا بابه‌تان هاته كرن كو دگرنگ بون بو پارێزگه‌ها دهوكێ ژوان بابه‌تێ جهه‌كێ تایبه‌ت بو گورستانه‌كا نوی بو باژێرێ دهوكێ كو نوكه كار ل سه‌ر ده‌ست نیشانكرنا جهه‌كێ نوی دهێته كرن و رێڤه‌به‌رێ گشتی یێ باژێرڤانیا ل پارێزگه‌هێ دیار كر هه‌ر ده‌می جه هاته ده‌ست نیشان كرن ده‌مده‌ست دێ ده‌ست بجهئینانا كارێن خزمه‌كاری بو كورستانا نوی وه‌كو رێك و به‌ژان و خزمه‌تێن دی هیته كرن
هه‌روه‌سا گه‌نگه‌شا ڤه‌گوهاستنا نڤیسینگه‌هێن كه‌ره‌ستێن ئاڤاهیان هاته كرن بو جهه‌كێ نوی و به‌رفره‌ه و دیار كر كو كار ل سه‌ر دیتنا جهه‌كێ گونجای یێ به‌رده‌وامه
دیسان گه‌نگه‌شه ل سه‌ر پیشه‌سازی ل به‌روشكی و چاوانیا رێكخستن و رێك و پێك كرنا وێ هاته كرن
پارێزگه‌رێ دهوكێ هه‌روه‌سا ته‌ئكید ل سه‌ر باژێرڤانیێ كر كو به‌رده‌وام سه‌خبێریا شوستا بكه‌ت و پارك و جهێن گشتی گرنگیێ پێ بده‌ت وپاركا چێكه‌ت ,
دیسان بریار هاته دان كو لژنه‌ك بو به‌رهه‌فكرنا دانانا نیشانێن هاتن و چونێ و ناڤێن گوندا بهێته پێك ئیانان و ئه‌ف لژنه هه‌می ڤه‌دیتن و به‌رهه‌ڤیا بكه‌ت بو ڤی كاری ,
دیسان دكومبونێ داكوكی ل چاره‌كرنا ئاریشا ئاڤا گران ل پروژێن وه‌به‌رئینانێ هاته كرن
دیسان داكوكی ل سه‌ر رێكخستنا جادێن گشتی و سه‌ره‌كی ل ده‌رڤه‌ی باژێران هاته كرن
هه‌روه‌سا داكوكی هاته كرن كو هه‌ر رێڤه‌به‌ریه‌ك ژلایێ خوڤه ل دیف تایبه‌ت مه‌ندیا خو دیف چونا وان ئاریشا بكه‌ت یێن دكه‌ڤنه درێكا پروژێن وه‌به‌ر ئینانێ دا.
هه‌روه‌سا ته‌ئكید هاته كرن كو ب هه‌فكاری دگه‌ل قه‌زایێن پارێزگه‌هێ بهێته كرن بو نه‌هێلانا بیستانێن ب ئاڤا ڤه‌خوارنێ دهێنه ئاڤدان وده‌ست پێكرنا هه‌وه‌كا به‌رفره‌ه و مه‌زن بو هاندنا خولكێ بێخه‌مه‌ت ئابوری كرنێ دئاڤێ دا
هه‌روه‌سا نه‌هێلانا دانانا كولێن ته‌رش و كه‌والی ل نێزیك پروژێن ئاڤێ ب تایبه‌ت بیرێن ئاڤا ڤه‌خوارنێ.
