ئەڤرۆ رۆژا دووشەمبی رێکەفتی ٩ی گۆلانا ٢٠٢٢ێ ب سەرپەرشتیا بەرێز “د.عەلی تەتەر” پارێزگارێ دهۆکێ، ب بەرهەڤبوونا رێڤەبەری و لایەنێن پەیوەندیدار کۆمبوونا لژنا گەشەپێدان و پشتگریا پرۆژێن پیشەسازی هاتەکرن.
دکۆمبوونێدا ل دۆر پرۆژێن پیشەسازی یێن سالا بۆری و قوناغێن بجهئینانێ و جێبەجێکرنا وان پرۆژا و پرۆژێن ئەڤ سالە رەزامەندی هاتیەدان دانوستاندن هاتەکرن. پاشان ل دۆر پرۆژێن پێشنیارکری رەزامەندی ل دۆر “یازدە“ پرۆژێن کارگەهێن پیشەسازی دبیاڤێن”ڤەخارنێن سروشتی، ڤەخوارنێن وزێ، بەرهەمئینانا ئاری، چێکرن و داگرتنا شەربەتێ، بەرهەمئینان و درینا جلوبەرگا، دروستکرنا کارتونا، کوگەهێن سارکەڕ بۆ عەمبارکرنا بەرهەمێن چاندنێ،کارگەها سارکرن و قوتوکرنا هەمی جورێن گوشتی” ل سنۆرێ دەڤەرداریێن جودایێن پارێزگەها دهۆکێ هاتەدان.
هەروەسا دکۆمبوونێدا باس ل دەڤەرێن پیشەسازی ل سنۆرێ دەڤەرداریا و چەوانیا بکارئینانا ئەردێ وان دەڤەرا بۆ پرۆژێن پیشەسازی هاتەکرن.
