ئه‌ڤرۆ سپێدێ رۆژا ئێكشه‌مبى 5/ شوباتا /2023 ب نونه‌راتیا به‌رێز مه‌سرور بارزانى سه‌روكێ حكومه‌تا هه‌رێما كوردستانێ به‌رێز د.عه‌لى ته‌ته‌ر پارێزگارێ دهۆكێ وب ئاماده‌بونا چه‌ند كه‌سایه‌تیێن ده‌ڤه‌رێ وبازرگان و وه‌به‌رهێنه‌رێن پارێزگه‌هێ وپه‌رله‌مانته‌رێن عیراقێ وكوردستانێ بانكا عیراقێ یا بازرگانى تایێ دهۆكێ ڤه‌كر.
درێ ورسمێن ڤه‌كرنێدا په‌یڤا بخێر هاتنێ ژلایێ سه‌روكێ جڤاتا كارگێرى یا بانكێ هاته خاندن.
پاش پارێزگارێ دهۆكێ ب نونه‌راتیا سه‌روكێ حكومه‌تا هه‌رێمێ په‌یڤه‌ك خاندن وخوشحالیا خو دیاركر ب ڤه‌كرنا بانكا عیراقێ یا بازرگانى ل دهۆكێ وگوت: ڤه‌كرنا بانكا بازرگانى ل سنورێ پارێزگه‌هێ دێ بیته هانده‌ره‌ك كو بزاڤا بازرگانى و كاروبارێن به‌رهه‌مئینانێ یێن هاولاتیان ل پارێزگه‌هێ ب ساناهى وبله‌زتر بهێنه ئه‌نجامدان.
هه‌روه‌سا گوت: ئێك ژهه‌ولێن كابینا نه‌هێ یا حكومه‌تا كوردستانێ ئه‌وه په‌ره‌پێدانا كاروبارێن بانكى یه دناڤبه‌را هه‌رێما كوردستانێ وعیراقێ دا كو باشتر خزمه‌تا تاكه كه‌س وبازرگان وهه‌موو هاولاتیێن كوردستانێ بكه‌ت وپشته‌ڤانیا پارێزگه‌هێ نیشان دا بو هه‌ر هاریكاریه‌كێ.
ل دوماهیێ پارێزگارێ دهۆكێ ویێن دگه‌لدا گه‌ریانه‌ك ل ناڤ ئاڤاهیێ كر وژنێزیك سه‌حكره به‌رهه‌ڤیا بانكێ بو خزمه‌تكرنا هاوڵاتیێن پارێزگه‌هێ.
