ب هه‌لكه‌فتا رۆژا جیهانى یا به‌رهنگاربونا توند وتیژیێ دژى ئافره‌تان ئه‌ڤرو نیڤرو 25/11/2021 به‌رێز د.على ته‌ته‌ر پارێزگارێ دهۆكێ وب ئاماده‌بونا رێڤه‌به‌رێ پولیسێن دهۆكێ ورێڤه‌به‌رێ چاكسازیا مه‌زنان سه‌را سه‌نته‌رێ نه‌وا یێ ئافره‌تان دا ژلایێ رێڤه‌به‌رێ گشتى یێ چاڤدێریا جڤاكى ورێڤه‌به‌ر وكارمه‌ندێن سه‌نته‌رێ نه‌وا پێشوازێ لێ هاته كرن .
پاش پارێزگارێ دهۆكێ پێشانگه‌ها كارێن ده‌ستى یا ئافره‌تێن سه‌نته‌رێ نه‌وا ڤه‌كر وگه‌ریانه‌ك ل ناڤ وپشكێن ئاڤاهى كر وژنێزیك سه‌حكره ره‌وشا ئافره‌تێن سه‌نته‌رى .
پارێزگارێ دهۆكێ ب هه‌لكه‌فتا رۆژا جیهانى یا به‌رهنگاربونا توند وتیژیێ دژى ئافره‌تان بو كه‌نالێن راگه‌هاندنێ ئاخفت وگوت: بومه وه‌كو حكومه‌تا هه‌رێما كوردستانێ وپارێزگه‌ها دهۆكێ هه‌موو رۆژێن سالێ ئانكو هه‌ر (365) رۆژ رۆژێن به‌رهنگاربۆنا توند وتیژیێ نه دژى ئافره‌تان ودڤێت رێزگرتن ل ژنێ بهێته گرتن هه‌م ژلایێ جڤاكی و هه‌م ژى ژلایێ حكومه‌تێ ڤه .
هه‌روه‌سا گوت: ئه‌م كاردكه‌ین یه‌كسانیێ دناڤبه‌را ژن ومێران دا په‌یداكه‌ین ئه‌م وه‌كو كارگێریا پارێزگه‌هێ پشته‌ڤانیێ ل هه‌موو مافێن ئافره‌تان دكه‌ین وداخازا سه‌ركه‌فتنێ بو دكه‌ین چونكو ئافره‌ت ده‌یكه وخوشكه هه‌ڤژینه وئه‌و كه‌س وكارێن مه‌نه هیڤى دارین دكوردستانا ئازاد دا ئه‌وژى خوشى وئارامیێ ببینن وهه‌موو مافێن وان بهێنه ده‌سته‌به‌ركرن .
