ب هەلکەفتا 120 سالیا ژدایکبونا بارزانیێ نەمر و32 سالیا سەرهلدانا باژێرێن دهۆک وسێمێلێ ئەڤرۆ سپێدێ رۆژا سێشەمبى 14/ ئادارا /2023 ل هوڵا کونگرەیان و ب ئامادەبونا بەرێزان د. پشتیوان ێادق بەرپرسێ رێخستنا پارتى دیموکراتى کوردستان ل بادینان و د.عەلى تەتەر پارێزگارێ دهۆکێ و جێگرێن بەرپرسێ رێکخستنا پارتى وعەلى عەونى بەرپرسێ لقێ ئێک ولایەنێن سیاسى وحزبى وئیدارى وجەماوەرێ دهۆک وسێمێلێ ئاهەنگەکا جەماوەرى هاتە سازکرن.
پارێزگارێ دهۆکێ دپەیڤەکێدا ئەڤ هلکەفتە ل هەموو خەلکێ کوردستانێ وپارێزگەها دهۆکێ پیروزکر وتەکەزکر کو سەرهلدان بەرهەمێ شورەشێن ئێک ل دووڤ ئێکێن گەلێ کوردستانێ بوو هەروەسا هەموو خەلکێ کوردستانێ ب هەموو پێک هاتە ڤە پشکدارى تێدا کریە وژئەنجامێ سەرهلدانێ کوردستانەکا ئازاد یا خودان پەرلەمان وحکومەتەکا نیشتیمانى هاتیە ئاڤاکرن.
هەروەسا پارێزگارێ دهۆکێ تەکەزى ل سەر پاراستن و خورتکرنا هەستا نیشتیمانى و پێکڤە ژیانا ئولى ونەتەوەیى ل هەرێما کوردستانێ کر .
پاش عەلى عەونى بەرپرسێ لقێ ئێک گوتارا لایەنێن سیاسى ل پارێزگەها دهۆکێ پێشکێشکر وئەڤ هەردوو یادە ل هەموو لایەنان وهەموو پێکهاتەیێن دەڤەرێ پیروزکر وتەکەزکر کو هەموو ب هەڤرا دەستکەفتێن سەرهلدانێ باش ب پارێزن.
لدووڤدا ئاهەنگا جەماوەرى هاتە سازکرن وهەر دوو هونەرمەندان شاکر مەحەمەد ئەمین ورێکێش سەیرانى وب هاریکاریا تیپا رباد چەندین سترانێن شورەشگێرى پێشکێشکرن.
ئاهەنگ ژلایێ پارێزگەها دهۆکێ ورێڤەبەریا گشتى یا رەوشەنبیرى وهونەرى ل پارێزگەها دهۆکێ هاتبو رێکخستن.
