ژپێخه‌مه‌ت نه‌هێلا مه‌ترسیا گیانه‌وه‌رێن به‌ره‌ڵا ل سه‌ر ژیانا مرۆڤان ب تایبه‌تى ل سه‌ر زاوركان ئه‌ڤرۆ نیڤرۆ رۆژا چارشه‌مبى 25/ كانوونا دووێ /2023 ب چاڤدێریا به‌رێز د.عه‌لى ته‌ته‌ر پارێزگارێ دهۆكێ وب ئاماده‌بونا به‌رێزان جه‌هوه‌ر عه‌لى ده‌ڤه‌ردارێ دهوكێ ورێڤه‌به‌رێ ناوچه‌داریا زاویته وچه‌ند رێڤه‌به‌رێن په‌یوه‌ندیدار به‌رێ بنیاتى بوئاڤاكرنا جهێ ڤه‌حه‌واندنا گیانه‌وه‌رێن به‌ره‌ڵا ل گه‌لیێ دار هناروكێ هاته دانان .
پرۆژه پێك دهێت ژ ئاڤاكرنا( 7) ژورا بو گیانه‌وه‌را ودگه‌ل ژورێن كارگێرى و كلینیكا چاره‌سه‌ركرنێ وئومباره‌كا تایبه‌ت ب ده‌رمان و پێدڤیێن جهى.
ل دور پرۆژان پارێزگارێ دهۆكێ گوت: مه ئه‌ڤرو به‌رێ بنیاتى بو پێنچ پرۆژا دانا و رێكا گه‌رماڤا باخرنیف ڤه‌كر وكاروانێ ئاڤادانكرنێ دێ یێ به‌رده‌وامبیت وبو ساڵا نوو ژى 2023دێ گرانیا خو ئێخینه سه‌ر گه‌هاندنا پرۆژێن خزمه‌تگوزارى بو هه‌موو ده‌ڤه‌رێن پارێزگه‌هێ .
هه‌روه‌سا گوت: مه به‌رێ بنیاتى بو ئاڤاكرنا جهێ گیانه‌وه‌رێن به‌ره‌ڵا وبێ خودان دانا ئه‌ڤ پرۆژه زور یێ گرنگه وهه‌موو گیانه‌وه‌رێن بێخودان دێ دناڤدا هێنه كومكرن ومه‌ترسیا وان ل سه‌ر مروڤان وب تایبه‌ت ل سه‌ر زاروكان دێ هێته كێمكرن، ئه‌ڤه بخو كاره‌كێ مروڤایه‌تى یه وپرۆژه‌كێ شارستانى یه دێ سیمایه‌كێ جوان ده‌ته پارێزگه‌هێ وگیانه‌وه‌ر دێ دناڤ دا هێنه رێكخستن و بخودانكرن وچاره‌سه‌ركرن.
هه‌ژى گوتنێ یه پرۆژه ل سه‌ر بودجا حكومه‌تا هه‌رێمێ ب گوژمێ (323) ملیون دینارا وب سه‌رپه‌رشتیا سه‌روكاتیا باژێرڤانیا دهۆكێ دێ هێته بجهئینان.
