بهردهوامیدان ب گههاندنا پرۆژێن خزمهتگوزارى بو دهڤهرا ئاكرێ ئهڤرۆ سپێدێ رۆژا دووشهمبى 23/ كانوونا دووێ/2023 ل دهڤهرا ئاكرێ وب چاڤدێریا بهرێز د.عهلى تهتهر پارێزگارێ دهۆكێ و ب ئامادهبونا مهردان خدر بهرپرسێ لقێ 9 یێ پارتى وشعبان خهلیل دهڤهردارێ ئاكرێ ب وهكالهت وچهند رێڤهبهرێن گشتى یێن پهیوهندیدار ئهڤ پرۆژه هاتنه ڤهكرن وبهرێ بنیاتى بو هندهكێن دى هاته دانان .
1- ڤهكرنا پرۆژێ قێركرنا رێكا دوریانا ناوچهداریا گردهسین بو نییاوك ب درێژیا (11)كم پرۆژه ب گوژمێ (934) ملیون دینارا ژلایێ كومپانیا مراد هاتیه چێكرن.
2- دانانا بهرێ بنیاتى بو پرۆژێ چێكرنا رێكا گوندێن زێلكه فهخرى – كولهكان – دگهل گوندێ گێلنه ب گوژمێ (740) ملیون دینارا ژلایێ كومپانیا ههرین دێ هێته دورستكرن.
3- دانانا بهرێ بنیاتى بو پرۆژێ چێكرنا رێكێن نافخویى ل سهنتهرێ ناوچهداریا گردهسین ب گوژمێ (903) ملیون دینارا ژلایێ كومپانیا دارهنار دێ هێته ئهنجامدان.
4- ههروهسا پارێزگارێ دهۆكێ سهرا رێڤهبهریا ناوچهداریا گردهسین دا وژنێزیك هایدارى پێدڤیێن ناوچهداریێ بوو ، پاش پارێزگارێ دهۆكێ سهرا كارگهها ڤاڤارتنا گلێشى ل ئاكرێ دا وژنێزیك سهحكره رهوشا كارگههێ ههژى گوتنێ یه كارگههێ شیان ههنه رۆژانه دناڤبهرا( 150ههتا 200)تونێن گلێشێ دهڤهرداریێن ئاكرێ وبهردهرهش وشێخان ڤاڤێریت.
5- ل دووڤدا پارێزگارێ دهۆكێ پرۆژێ قێركرنا رێكا گوندێن (باكرمان – دیلمهندێ – كهشكاوا) ب درێژیا (13,200)كم ڤهكر پرۆژه ب گوژمێ (4) ملیار و(33) ملیون دینارا ژلایێ كومپانیا سههل عهقره هاتیه بجهئینان وپتر ژ حهفت گوندا دێ مفاى ژێ بینن.
6- ههر دڤى چارچوڤهیدا پارێزگارێ دهۆكێ ئاڤاهیێ ئامادهیا باكرمان یا تێكههل یا شهش رێزى ڤهكر
قوتابخانه ب گوژمێ (163) ملیون دینارا هاتیه ئاڤاكرن.
7- دانانا بهرێ بنیاتى بو پرۆژێ سهخبێركرن وقێركرنا رێكێن نافخویى ل سهنتهرێ ئاكرێ ب گوژمێ (2) ملیار و(233) ملیون دینارا ژلایێ كومپانیا مونیب دێ هێته ئهنجامدان.
8- دانانا بهرێ بنیاتى بو پرۆژێ ڤهكرن وقێركرنا رێكێن چهند قوتابخانه ومزگهفتان وكارگههێن سڤك وگوندێ ئالهرهشى ل سهنتهرێ ئاكرێ ودهروبهران ب گوژمێ (2) ملیار و(133) ملیون دینارا ژلایێ كومپانیا وارڤین دێ هێته چێكرن.
9- دانانا بهرێ بنیاتى بو پرۆژێ چێكرنا رێكێن نافخویى بو وان پارچه زهڤیا ئهوێن ل سهر خێزانێن شههیدێن شهرێ داعش ل ئاكرێ هاتینه بهڵاڤكرن ب گوژمێ (1) ملیار و(892) ملیون دینارا ژلایێ كومپانیا شانیك دێ هێته دورستكرن.
10- دانانا بهرێ بنیاتى بو پرۆژێ چێكرنا دوو جادا ل تاخێ ئالهییێ وچێكرنا سولینهكا چار گوشه ل تاخێ 11ئادارێ ل ئاكرێ ب گوژمێ (173) ملیون دینارا ژلایێ سهروكاتیا باژێرڤانیا ئاكرێ دێ هێته بجهئینان.
11- دانانا بهرێ بنیاتى بو پرۆژێ نووژهنكرنا جوكێن ئاڤدانێ ل ئاكرێ و چێكرنا سكرهكێ ئاڤێ ل گوندێ زێوكێ ل ئاكرێ ب گوژمێ (861) ملیون دینارا ژلایێ كومپانیا نهیر دێ هێته بجهئینان وههموو پرۆژه ل سهر بودجا حكومهتا ههرێما كوردستانێ دێ هێنه ئهنجامدان.
ل دور گرنگیا پرۆژان پارێزگارێ دهۆكێ گوت: ئهم سوپاسیا بهرێز مهسرور بارزانى سهروكێ حكومهتا ههرێما كوردستانێ دكهین كو ههر چ پرۆژهكێ مه پێشنیاركرى رازیبونا خو ل سهر دایه وپتریا پرۆژێن ڤان دوو سێ ساڵا هاتینه داخازكرن كهتینه دخزمهتا خهلكێ دهڤهرا ئاكرێ دا وتهكهزكر كو كاروانێ ئاڤهدانكرنێ ل ئهڤ ساڵه ژى دێ یێ بهردهوامبیت وپرۆژه ب یهكسانى ل ههموو دهڤهردارى وناوچهدارى وكومهلگهه وگوندان دێ هێنه گههاندن وچێكرن.
