گرنگیدان ب پرۆژێن خزمه‌تگوزارى ئه‌وێن ل ده‌ڤه‌رداریا سێمێلێ دهێنه ئه‌نجامدان ئه‌ڤرۆ سپێدێ رۆژا دووشه‌مبى 15/ 8/2022 ب چاڤدێریا به‌رێز د.عه‌لى ته‌ته‌ر پارێزگارێ دهۆكێ وب ئاماده‌بونا به‌رێزان خه‌لیل محمود ده‌ڤه‌ردارێ سێمێلێ وچه‌ند رێڤه‌به‌رێن فه‌رمانگه‌هێن په‌یوه‌ندیدار پرۆژێ ئوڤه‌ر پاس وئه‌نده‌رپاسا رێگا گشتى یا سێمێلێ زاخو هاته ڤه‌كرن.
پرۆژه ل سه‌ر بودجا حكومه‌تا هه‌رێمێ بكوژمێ (4) ملیار و(219) ملیون دینار هاتیه ئه‌نجامدان.
پاش پرۆژێ قێركرنا (6)كم رێكێن نافخویى ل تاخێ شه‌هیدا ل سه‌نته‌رێ سێمێلێ بكوژمێ (852) ملیون دینارا هاته ڤه‌كرن.
ل دور پرۆژا پارێزگارێ دهۆكێ گوت: چێكرنا ئه‌نده‌رپاس وئوڤه‌رپاسا رێكا ده‌وله‌تى یا سێمێلێ زاخو زۆر یا گرنگبوو وبه‌رى نوكه گه‌له‌ك رودان لێ چێدبوون لێ پشتى ئوڤه‌رپاس كه‌تیه دخزمه‌تێ دا هاتن وچون دێ ئاسیى بیت ورودان دێ كێمتر لێ هێن ومزگینى دا خه‌لكێ ده‌ڤه‌رداریا سێمێلێ كو لده‌مێ بهێت دێ گه‌له‌ك پرۆژێن نوو هێنه ئه‌نجامدان.
پاش ل ئاڤاهیێ ده‌ڤه‌رداریا سێمێلێ (د.عه‌لى ته‌ته‌ر) دگه‌ل كارگێریا یانا سێمێلێ یا وه‌رزشى كۆمبوو وژنێزیك گوهداریا كێم وكاسیێن یانه‌یێ كر وبریاردا كو یاریگه‌ها سێمێلێ بهێته نوژه‌نكرن وهه‌موو فریزیێ وێ بهێته گوهورین وگوت: دێ هه‌ولده‌ین ل دوووڤ شیانێن به‌رده‌ست هاریكاریا یانێ كه‌ین.
لدووڤدا پارێزگارێ دهۆكێ سه‌را كارگه‌ها (وێلا ) یا كه‌رتێ تایبه‌ت یا به‌رهه‌مئینانا كه‌ره‌ستێن پاقژكرنێ وبێهن خوشیێ ل ده‌ڤه‌را مه‌رینا ل سنورێ قه‌زا سێمێلێ دا وژنێزیك سه‌حكره قوناغێن ئاڤاكرنێ پرۆژه بكوژمێ (30) ملیار دینارا ل سه‌ر روبه‌رێ 52دونه‌مێن ئه‌ردى دهێته ئاڤاكرن وهه‌تا نوكه 60% هاتیه ئه‌نجامدان وپشتى دكه‌ڤیته كارى نێزیكى (400) ده‌لیڤێن كارى دێ هێنه دیتن.
پارێزگارێ دهۆكێ پیروزباهى ل خودانێ پرۆژه‌ى كروخواست كو خودان سه‌رما وده‌وله‌مه‌ند چاڤ ل خودانێ پرۆژه‌ى بكه‌ن و پرۆژێن ژڤى ره‌نگى ئاڤاكه‌ن.
