بو دووڤ چون وبجهئینانا پرۆژێن خزمەتگوزارى ئەڤرۆ سپێدێ رۆژا دووشەمبى 13/ ئادارا /2023 ب چاڤدێریا بەرێز د.عەلى تەتەر پارێزگارێ دهۆکێ وب ئامادەبونا بەرێزان مەردان خدر بەرپرسێ لقێ 9 یێ پارتى دیموکراتى کوردستان واسماعیل مستەفا دەڤەردارێ بەردەرەش وچەند بەرپرسێن حزبى وئیدارى بەرێ بنیاتى بو ڤان پرۆژان ل سنورێ دەڤەرداریا بەردەرەش هاتە دانان.
1- دانانا بەرێ بنیاتى بو تومامکرناسایدێ 40 مترى ل ناوچەداریا دارەتوو ب فرەهیا 20 مترا قوناغا دووێ وچێکرنا جادەکا نافخویى ب فرەهیا بیست مترا ل سەنتەرێ دارتوو.
2- دانانا بەرێ بنیاتى بو چێکرنا جوت سایدەکى ب درێژیا 500مترا ل تاخێ رەوشەنبیران وچێکرنا جوت سایدەکى دگەل رێکێت نافخویى ل تاخێ روناکى ل سەنتەرێ بەردەرەش.
3- دانانا بەرێ بنیاتى بو چێکرنا رێکێت نافخویى دگەل چێکرنا سولینا ل جهێ پیشەسازیا نوو ل بەردەرەش وقێرکرنا رێکێت نافخویى ب درێژیا(1650) مترا ل سەنتەرێ ناوچەداریا روڤیا.
4- دانانا بەرێ بنیاتى بو چێکرنا رێکێت گوندێ قادسیا مەزن وکانى ئەسپان دگەل رێکا ئێکمالە یا نوو ل سنورێ بەردەرەش.
5- دانانا بەرێ بنیاتى بو چێکرنا ڤان پرۆژا ل ناوچەداریا کەلەک ( چێکرنا قەسیسەکا سندوقى ب درێژیا 1100مترا ل سەنتەرێ کەلەک وەکو قوناغا ئێکێ – چێکرنا رێکێت نافخویى ب قەبارێ (2000) م ل سەنتەرێ کەلەک – سەخبێرکرنا رێکێت نافخویى ل کومەلگەها بشریان – قێرکرنا رێکێت نافخویى ب درێژیا (1،5)کم ل سەنتەرێ کومەلگەها بشریان).
ل دور پرۆژان پارێزگارێ دهۆکێ گوت: ئەڤرو مە بەرێ بنیاتى بو نێزیکى پازدە پرۆژێن خزمەتگوزارى ل دەڤەرداریا بەردەرەش دانا وئەڤ پرۆژە یێن ساڵا 2022 ێ نە وبو ساڵا نوو ژى 2023ێ مە بەرنامەکێ بەرفرەه هەیە بو گەهاندنا پرۆژێن خزمەتگوزارى بو هەموو دەڤەردارى وناوچەدارى وکومەلگەه وگوندان وهەموو سەکتەرێن خزمەتگوزارى بخوڤە دگریت.
