ئەڤرۆ سپێدێ رۆژا سێشەمبى 13/خزیرانێ /2023 ێ ب ئامادەبونا بەرێزان ” ساسان عەونى” وەزیرێ شارەوانى وگەشت وگوزارى و”د.عەلى تەتەر” پارێزگارێ دهۆکێ و”جەهوەر عەلى ” دەڤەردارێ دهۆکێ وچەند بەرپرسێن ئیدارى بەرێ بنیاتى بو ئوڤەر پاس وئەندەر پاسێن بناڤى ئێک ویوتێرنا ماڵتایێ ل سەر جادا بارزان وەکو قوناغا ئێکێ هاتە دانان.
پارێزگارێ دهۆکێ دپەیڤەکێدا گرنگیا ڤى پرۆژەى بەرچاڤکر وگوت: ئەڤ پرۆژە دێ خزمەتا خەلکێ کوردستانێ ب گشتى وخەلکێ پارێزگەها دهۆکێ ب تایبەتى کەت چونکو رێکا نیڤ دەولەتى ژبراهیم خەلیل هەتا دهۆک ودگەهیتە شێخان دێ یا ڤەکریبیت وبێ ترافیک هاتن وچون دێ ئاسایى بیت وبەروڤاژى .
هەروەسا گوت: ل دووڤ راسپاردێن بەرێز مەسرور بارزانى سەروکێ حکومەتا هەرێما کوردستانێ پرۆژێن ئاڤەدانکرنێ دێ بەردەوامبن وپلان هەیە کو ئوڤەرپاسا شێخان ژى بهێتە چێکرن وهاتن وچون ژزاخو هەتا هەولێرێ وبێ ترافیک یاڤەکربیت.
پاش وەزیرێ شارەوانى وگەشت وگوزارى گرنگیا پرۆژەى دیارکر وسوپاسیا سەروکێ حکومەتا هەرێما کوردستانێ کر وئەو گرنگیا ب کەرتێ ئاڤەدانکرنێ بو هەموو کوردستانێ ددەت.
هەژى گوتنێ یە پرۆژە ژلایێ کومپانیێن کاڤین گروپ وداڤەرست بکوژمێ پتر ژ(13) ملیار دینارا دێ هێتە بجهئینان بریارە دماوێ 405رۆژان دا بکەڤیتە دخزمەتا گشتى دا.
