ئه‌ڤرو سپێدێ به‌رێز فه‌رهاد ئه‌مین ئه‌تروشی پارێزگه‌رێ دهوكێ سه‌رپه‌رشتیا كومبونا تایبه‌ت بو ده‌ست نیشانكرنا جهه‌كێ نوی بو پێشانگه‌ها دهوك یا نێڤ ده‌وله‌تی كر ,,
دكومبونێ دا كو عبدولا ئه‌حمه‌د عه‌بدولره‌حیم سه‌رپه‌رشتێ پێشانگه‌ها هه‌ڤلێرێ یا نێڤ ده‌وله‌تی به‌رهه‌ڤ ببو , پارێزگه‌رێ دهوكێ دیار كر كو ل هه‌ر جهه‌كێ پێشانگه‌هێن نێڤ ده‌وله‌تی لێ هه‌بن بزاڤا بارزگانی و پێشه‌سازی ل وی جهێ یا خورته له‌وما مه دڤیت جهه‌كێ رێك و پێك تر و به‌رفره‌هتر بو پێشنگه‌ها دهوك بهێته ده‌ست نیشانكرن و خزمه‌ت و پێدڤی ل دیف ستاندارتێن جیهانی دڤێ پێشانگه‌هێ دا هه‌بن و هه‌می لایه‌ن پێكڤه كار بكه‌ن داكو تشته‌كێ نمونه‌یی بهێته دورستكرن ,
دیڤدا به‌رێز سه‌رپه‌رشتێ پیشانگه‌ها هه‌ڤلێرێ یا نێڤ ده‌وله‌تی ئاماژه كره پێكهاتێ پێشانگه‌ها هه‌ڤلێرێ و دیار كو ل سه‌ر 40 دونه‌مێن ئه‌ردی هاتیه دانا و هه‌می ئه‌و پێكهاته دیار كرن یێن دپێشانگه‌هێ دا هه‌ین بێخه‌مه‌ت مفا وه‌رگرتنێ ژ وێ سه‌ربورا ل هه‌ڤلێرێ هه‌ی و چه‌ندین پێشنیار دیار كرن بووێ چه‌ندێ پێشانگه‌ها دهوك یا نو هه‌می جورێن خزمه‌تا تێدا هه‌بن ,,
دیڤدا به‌رهه‌ڤبویا هه‌ر ئێكی جودا جودا بوچون و پێشنیارێن خو دیار كرن داكو ل ده‌مێ دانانا دیزاینا پێشانگه‌هێ باشترین و به‌رفره‌هترین مفا ژێ بهێته وه‌رگرتن و پێشنیارا وێ چه‌ندێ ژی هاته كرن كو ئوتێله‌ك ل نێزیك جهێ وێ بهێته دورستكرن دگه‌ل چه‌ندین خزمه‌تێن دی یێن گرێدای پێشانگه‌هێ ,
هه‌ژی گوتنێ یه كو جهه‌ك به‌رامبه‌ر فاملی مول هاتیه ده‌ست نیشان كرن داكو كار ل سه‌ر بهێته كرن بو كوژاندن و به‌رهه‌ف كرنا وێ بو ئاڤا كرنێ ,
