ئه‌ڤرۆ سپێدێ رۆژا دوو شه‌مبى ٢٠٢٢⁄٩⁄٢٦ به‌رێز ماجد سه‌ید صالح جێگرێ پارێزگارێ دهۆكێ بو كاروبارێن ته‌كنیكى ب وه‌كاله‌ت كۆمبوونه‌ك دگه‌ل لیژنا شاره‌وانى وگه‌شتگوزارى وڤه‌گوهاستن وگه‌هاندنێ یا په‌رله‌مانێ كوردستانێ وچه‌ند فه‌رمانگه‌هێن خزمه‌تگوزارى یێن په‌یوه‌ندیدار ئه‌نجامدا.
دكۆمبوونێدا به‌حسێ كاروپرۆژێن حكومه‌تا هه‌رێما كوردستانێ وپێدڤیێن خه‌لكێ پارێزگه‌هێ ب پرۆژێن خزمه‌تگوزارى وبلندكرنا ئاستێ وان خزمه‌تگوزاریا ئه‌وێن بو هاولاتیان دهێنه پێشكێشكرن وئاسته‌نگ دكه‌ڤنه هه‌مبه‌ر پرۆژێن خزمه‌تگوزارى هاته كرن.
سه‌روكێ لیژنا ناڤبرى دیاركر كو ل سه‌ر راسپاردێن سه‌روكاتیا په‌رله‌مانى ئه‌ڤ سه‌ره‌دانه بو هه‌موو پارێزگه‌ه وئیداره‌یێن سه‌ربخو دێ هێنه كرن وئارمانج ژێ ئه‌وه ئه‌م ژنێزیك كێم وكاسیێن دكه‌ڤنه هه‌مبه‌ر پرۆژێن خزمه‌تگوزارى ژرویێ ئاڤادانكرنێ و پاقژیێ وئاڤ وئاڤ رویان وڤه‌گوهاستن وگه‌هاندنێ بزانین وهه‌موویان ب راپورته‌كا تێر وته‌سه‌ل بو په‌رله‌مانێ كوردستانێ بلندكه‌ین پاش كومبونه‌ك ژلایێ په‌رله‌مانى ل سه‌ر بهێته كرن و وب رێكێن یاسایى چاره‌سه‌ریا هه‌ر بابه‌ته‌كى بهێته.
جێگرێ پارێزگارێ دهۆكێ بو كاروبارێن ته‌نكنیكى بخێر هاتنا لیژنێ كر وپشته‌ڤانیا پارێزگه‌هێ نیشان دا بو هه‌ر هه‌ڤكاریه‌كێ .
پاش رێڤه‌به‌رێن فه‌رمانگه‌هێن په‌یوه‌ندیدار به‌حسێ وان یاسا ورێنمایان كر یێن دبنه ئاسته‌نگ هه‌مبه‌ر گه‌هاندنا هنده‌ك خزمه‌تگوزاریا وخواستن كو لیژنا په‌رله‌مانى رێكێن یاسایى بو وان ئاسته‌نگا ببینیت دا باشتر خزمه‌تا خه‌لكێ پارێزگه‌هێ بهێته كرن.
