ئه‌ڤرو سپێدێ 16-5- 2020 ل كوچكا پارێزگه‌هێ به‌رێز ماجد سه‌ید صالح جێگرێ پارێزگه‌رێ دهوكێ ب وه‌كاله‌ت دكونگره‌كێ روژنامه‌ڤانیدا قوناغا 10ێ ژبه‌رنامێ ژورا ئوپه‌راسیونا یا پارێزگه‌ها دهوكێ یا به‌رهنگاریا ڤایروسێ كورونا بو ئاسایكرنا ژیانا وه‌لاتیان راگه‌هاند وگوت: پشتى دماوێ بوریدا چه‌ند جه وبازار وسه‌كته‌ر ل هه‌مبه‌ر هاولاتیان هاتینه ڤه‌كرن وژیان ب رێژا 90 -95%هاتیه ئاسایكرن ئه‌ڤرو ژى مه فه‌ردیت قوناغا 10 ێ بو ئاسایكرنا ژیانێ ل پارێزگه‌هێ رابگه‌هینین و چه‌ند جهێن نوو ڤه‌كه‌ین وداخازێ ژهه‌موو هاولاتیان دكه‌ین پێگریێ ب رێنما وبریارێن ته‌ندورستى بكه‌ن وخو ب پارێزن بو پاراستنا ساخله‌میا گشتى چونكو هێشتا مه‌ترسیا ڤایروسى ل عیراقێ وده‌وروبه‌رێن مه وجیهانێ یا زوره.
هه‌روه‌سا گوت: به‌رى نوكه بریارا دایخستنا دوكان وبازاران ژ ده‌م ژمێر 11شه‌ڤێ هه‌تا 4 سپێدێ هاتبو دان لێ نوكه هه‌موو دوكان وبازار وجهێن كرین وفروتنێ دشێن 24ده‌م ژمێرا كاربكه‌ن وڤه‌كرى بمینن بو وێ یه‌كێ هاولاتى ب شێن پێدڤیێن خو ژبازارى په‌یداكه‌ن.
ئه‌و جهێن نوو دێ هێنه ڤه‌كرن ئه‌ڤه‌نه:-
ڤه‌كرنا چایخانه وكافتیریا بێى نارگیله ویاریێن (دومینه كومكان تاوله ویاریێن دى ) ب رێژا 50% كورسیك ومێز بهێنه دانان وب دوراتیا 2مترا ودڤێت ئامانێن سه‌فه‌رى بهێنه ب كارئینان.
ڤه‌كرنا خارنگه‌هێن گه‌شتیارى ومللى ل دوڤ رێنمایێن ساخله‌میێ كو ب رێژا 50% كورسیك ومێز بهێنه دانان وب دوراتیا 2مترا ودڤێت ئامانێن سه‌فه‌رى بهێنه ب كارئینان.
.ڤه‌كرنا نڤێسینگه‌ه وكومپانى وبریكارێن گه‌شتیارى.
ڤه‌كرنا مه‌یدانكا روژێن ئه‌ینى .
جێگرێ پارێزگه‌رێ دهوكێ ب وه‌كاله‌ت ته‌كه‌زكر كو لیژنێن هه‌ڤپشك به‌رده‌وام دێ دووڤ چونا بجهئینانا رێنمایا كه‌ن وخودانێ جهى به‌رپرسیاره ژنه‌پێگیركرنێ ب رێنمایێن ساخله‌میێ .
