ئه‌ڤرو سپێدێ 20- 5 – 2020 ل كوچكا پارێزگه‌هێ به‌رێز ماجد سه‌ید صالح جێگرێ پارێزگه‌رێ دهوكێ ب وه‌كاله‌ت ب ئاماده‌بونا چه‌ند رێڤه‌به‌رێن په‌یوه‌ندیدار دكونگره‌كێ روژنامه‌ڤانیدا هه‌وا به‌لافكرنا ئاهێن خارنێ ل سه‌ر كێمده‌رامه‌تان ل سه‌رانسه‌رى پارێزگه‌هێ راگه‌هاند وگوت: پشتى به‌لاڤبونا ڤایروسێ كورنا وبریارا حكومه‌تا هه‌رێما كوردستانێ داى بو راگرتنا هاتن وچونێ وگرتنا بازاران گه‌له‌ك كه‌س وكاسبكار وخودان پیشه‌یان كار وكاسبكاریێن خو ژده‌ستابون ول دوڤ راسپاردێن به‌رێز مسرور بارزانى سه‌روكێ ئه‌نجومه‌نێ وه‌زیرێن هه‌رێما كوردستانێ بریار هاتبو دان كو ئاهێن خارنێ ل سه‌ر وان كێمده‌رامه‌ت وئه‌وێن پیشه‌یێن خو ژده‌ست داین بهێنه به‌لافكرن ولیژنه‌ك ل سه‌ر ئاستێ پارێزگه‌هێ هاته پێك ئینان بو چێكرنا روپیڤه‌كێ وده‌ست نیشانكرنا خێزانێن كێمده‌رامه‌ت ل سه‌رانسه‌رى پارێزگه‌هێ ڤێ لیژنێ بو دوو هه‌یڤا كاركر وشیاینه (50)هزار خێزانان ده‌ست نیشانكه‌ن كو چار جورێن ئاهێن خارنێ (ئار – زه‌یت – مه‌عجوه‌نێ باجانێ ونیسك) هاتینه دابینكرن وئه‌ڤرو مه هه‌وا به‌لافكرنا ڤان ئاهێن راگه‌هاندن ول ده‌ست پێكێ ل سه‌نته‌رێ پارێزگه‌هێ وپاش ل سه‌ر ئاستێ هه‌موو قه‌زا وناحیا دێ ب رێكا هنده‌ك بریكارێن ئاهێن خارنێ هێته به‌لاڤكرن.
هه‌روه‌سا گوت: ئه‌ڤ ئاهێن خارنێ ب رێكا ته‌نده‌را وژده‌رڤه‌ى وه‌لاتى هاتینه دابینكرن .
ل دور كوا ڵیتیا ڤان ئاهێن خارنێ احمد ته‌ها رێڤه‌به‌رێ به‌لافكرنا ئاهێن خارنێ گوت: كواڵیتیا ڤان ئاهێن خارنێ یا باشه وه‌كو وانه ئه‌وێن به‌رى نوكه ب رێكا بریكارا دهاته به‌لافكرن وئارێ ڤێ هه‌وێ پله‌یا (صفره).
