ئهڤرو سپێدێ 9/5/2016 بهرێز ئوسمان یونس جێگرێ پارێزگهرێ دهوكێ سهرپهرشتیا كومبونا لژنا بلند یا ئاگر ڤهمراندنێ ل پارێزگهها دهوكێ كر ,
دكومبونێ دا بهحسێ پێدڤیێن بهرهنگاربونا ههر ئاگرهكی و رێكێن خو پاراستنێ و كێمكرنا ئاگر بهربونێ هاته كرن و گهنگهشه ل دور پێدڤیێن ههر رێڤهبهریهكا پشكدار دكارێ لژنێ دا هاته كرن و رێكێن خو بهرههفكرنێ و چاوانیا خو بهرههفكرنێ دان و ستاندن ل سهر هاته كرن,
و ههر رێڤهبهریهكێ دیار كر كا ئهو دڤان روژا دا دێ چ پێنگاڤ هاڤێژن بو هندێ رێژا ئاگر بهربونێ كێم ببیت و باشتر كونترولا ههر ئاگرهكی بهێته كرن ,
دداخویانیهكێ دا بهرێز ئوسمان یونس جێگرێ پارێزگهرێ دهوكێ كو دههمان دهم دا سهروكێ لژنا بلند یا ئاگر ڤهمراندنێ یه دیار كر كو ئهف لژنه ل سهر ئهمرێ پارێزگهرێ دهوكێ هاتیه پێك ئینان و ژرێڤهبهریێن پهیوهندیدار پێك دهێت دكومبونێ چهندین خال هاتینه گهنگهشه كرن و تایبهت چاوانیا بهرهنگار بونا ئاگری یانكو ههكه ئاگرهك بهربو جههكی دێ چاوا هێته ڤهمراندن و بكێمترین زیان و بلهز تر ,,
و گوت : ل سهر سێ تهوهرا ئاخفتین یێ ئێكێ دی چاوا شیێن نههێلین ئاگر بهربییته جها دیسان پێدڤیێن خهلكهكی چنه و پێدڤیێن مه چنه وهكو لژنه داكو بشێن نههێلین ئاگر بهرببیت و ههكه بهربو جههكی پێدڤی ب جینه بو كونترول كرن و ڤهمراندنا وی دیسان ههر رێڤهبهریهكێ كارێ وی هاته دیار كرن كا دێ جبیت ,
دیسان گوت ك ب ئانههیا خودی و ب هاریكاریا خهلكێ خو یێ هێژا ئهف ساله ئاگر بهربون كێمتر لێبهێت و وهكی سالێن بوری نه بیت چونكی دڤێت خهلكێ مه هزرا هندێ بكه تكو ئهف چیایه و دول و نهاله یێت وانن و بهێنه پاراستن ژلایێ وانڤه ,
دیسان گوت : چهند میكانزمهك هاتینه دارشتن بو هندێ باشتر كار بكهین و كێمتر ئاگر بهرببیته جها ,, بهراهیێ دگهل رێڤهبهریا پهروهردێ و ئهوقافێ و ماوستایێن ئاینێ و دهزگایێن راگههاندنێ بهحسی كهین كو هشیاریهكا باشتر بو خهلكێ پهیدا بكهین و خهلك هاریكار بیت دگهل مه وهكو لژنه ,, ههروهسا دهزگایێن ئێمناهیێ و پولیس مه ئاگههدار كرینه كو ههر كهسێ ئاگری بهردهته جههكی و خهمساریێ بكهت و ببیته ئهگهرێ ههلبونا ئاگرهكی دێ هێته رهوانه كرن بو یاسای و دادگهه كارێ خو كهت ههوهسا دگهل رێڤهبهریێن كو ئهندامن ل لژنێ دێ دهست ب هندهك كارێن خو پاراستنێ كهین وهكو پاقژ كرن و دورینا رهخێت ریكا و چێكرنا هێلێن ئاگری و ههر رێڤهبهریهك دێ كارێن خو كهن.
