ئه‌ڤرۆ سپێدێ 11-10-2020 به‌رێز د.على ته‌ته‌ر پارێزگه‌رێ دهۆكێ هه‌ڤدیتنه‌ك دگه‌ل به‌رێز ئولیڤى دیكیوتینى كونسلێ گشتى یێ وه‌لاتێ فره‌نسا ل كوردستانێ كر.
دهه‌ڤدتنێدا كونلسێ فره‌نسا دیاركر كو وه‌ڵاتێ وى وه‌كو ده‌ستپێشخه‌رى و هاریكارى بو پارێزگه‌ها دهۆكێ (15) ملیون یورو بو په‌رپێدانا پرۆژێن خزمه‌تكارى یێن جودا جودا ته‌رخانكرینه و(500) ھزار كه‌س ل سنورێ پارێزگه‌هێ و(60) هزار قوتابى ل سه‌كته‌رێن جودا جودا دێ مفاى ژڤێ هاریكاریێ وه‌رگرن.
هه‌روه‌سا گوت: ئه‌ڤ هاریكاریه ژلایێ حكومه‌تا فره‌نسا هاتیه دیاركرن دچارچوڤێ سه‌ره‌دانا وه‌زیرێ ده‌رڤه یێ فره‌نسا ده‌ما ل تیرمه‌ها بورى سه‌ره‌دانا هه‌رێما كوردستانێ كرى وژلایێ سازیێن ئه‌لمانى دماوێ (3) ساڵاندا دێ هێته جێبه‌جێكرن.
پارێزگه‌رێ دهۆكێ سوپاسى وپه‌سنا هه‌لویستێن حكومه‌ت وملله‌تێ فره‌نسا كر بو ڤێ ده‌ستپێشخه‌ریێ كو چ جارا ناهێنه ژبیركرن وهیڤى خاستن كو پرۆژه سه‌ربگریت ولده‌مه‌كێ نێزیك بكه‌ڤیته دوارێ بجهئینانێ دا .
هه‌ژى گوتنێ یه ئه‌ڤ هاریكاریه (منحه) ب رێكا ئاژانسا په‌ره‌پێدانا فره‌نسى دێ هێته خه‌رجركن وب رێكا ئاژانسێن ئه‌لمانى دێ هێته جێبه‌جێكرن وچه‌ندین پرۆژه یێن خزمه‌تگوزارى دبیاڤێن جودا جودا ل سنورێ پارێزگه‌هێ دێ هێنه ئه‌نجامدان.
