ئەڤرو رێکەفتی ٢٠٢١/١٢/٢٥ روژا شەمبی ل کومەلگەها خانکێ ب ئامادەبونا نونەرێ پارێزگارێ دهوکێ بەرێز “ماجد سەید سالح”و شێخ شامو، سەروکێ دەستەیا بلند یا بنگەهێ لالش و شێوەردارێ سەروکێ حکومەتا هەرێما کوردستانێ بو کاروبارێن ئێزدیا و دەڤەردارێ سێمێلێ و هژمارەکا کەسایەتی و ئەندام پەرلەمان و نونەرێن لژنێن پارتی دیموکراتی کوردستان هولەکا بەرفرەهــ ب کوژمێ ١٩٢،٠٠٠،٠٠٠ملیون دینارا بو هەلکەفت و بیرەوەریان هاتە ڤەکرن
نونەرێ پارێزگاری بناڤێ بەرێز “د.عەلی تەتەر ” پارێزگارێ دهوکێ دەستخوشی ل وان خێرخوازێن کومەلگەهێ کر یێن کو بەشداری د ئاڤاکرنا وێ هولێ دا کری و گوت:
وەکو ئیدارا پارێزگەهێ ب پشتەڤانیا حکومەتا هەرێما کوردستانێ ئەم بەردەوام رێ خوشکەرین بو هەر خێرخوازەکی ب تایبەت یێن بو دەڤەرێن خو وەلاتێ خو بو تەخێن جڤاکی پروژێن خزمەتگوزاری ئاڤا دکەن ئەو دبنە هاریکارێن گرنگ یێن ئیدارا پارێزگەهێ و دخوازین بەردەوام ببن
دویڤدا پیروزباهی ل خەلکێ دەڤەرێ کر و چەبدەکێ بەحسا رویێ جوانێ پێکڤەژیانێ کر پالشتیا بەردەوام یا ئیدارا پارێزگەهێ بو خورتکرنا خزمەتگوزاریێن وێ دەڤەرێ و سازیێن حکومەتێ نیشاندا
ژلایێ خوڤە بەرێز شێخ شامۆ سوپاسیا ئامادەبونا نونەرێ پارێزگاری و هەمی مێڤانان کر و گوت:
ب خوشحالیڤە حکومەتا مە یا هەرێما کوردستانێ زور پالپشت و پشتەڤانە بو پێدڤیێن دەڤەرێن ئێزدیان و ئەڤ هولە ژی ب هاریکاریا حکومەتێ هاتیە ئاڤاکرن و د پروژێ ئاڤاکرنا هولادا هەتا نوکە مە ٥٠ هول یێن هەین تایبەت ژبو هەلکەفت و بیرەوەریێن ئێزدیان
ل دوماهیێ ب چەند سەبەقێن قەولێن ئولێ ئێزدیان رێ و رەسم ب دوماهی هاتن
هەر د چارچوڤێ وێ سەرەدانێ دا نونەرێ پارێزگاری سەرەدانا بنگەهێ لالش یێ رەوشەنبیری کر و ژلایێ عنتەر کەلو، بەرپرسێ بنگەهی هاتە پێشوازیکرین و ژ نێزیکڤە گوهداریا بزاڤا رەوشەنبیری و داخوازی کێشەیێن وێ دەڤەرێ کر.
