دكومبونا دوو قولی دا تهكهزی ل سهر خوتر كرنا تیكهلیا وپێتر هاندنا كومپانیێن توركی بهیته كرن بو وهبهر هینانێ و ههمی بهرههڤی بو ئاسنكاریێن كومیانیا هاتنه دوپاتكرن.
پارێزگهرێ دهوكێ دگهل كومهلا خودان كارێن تركی یێن مێرسینێ كومبو وخواست كو پهیوهندیێن بازرگانی وئابوری دگهل وهلاتێ تركیا پتر بهێنه خورتركرن وگوت ئهو قهیرانا ئابوری ودارایی یا ئهڤرو ل ههرێما كوردستانێ وعیراقێ ههی دێ ب داوی هێت وداخاز ژسهرمایدار وبهرهنێنهرێن وهلاتێ تركیا كر كو قهستا ههرێما كوردستانێ و پارێزگهها دهوكێ بكهن وكارێن وبهرهێنانێ لێ ئهنجامدان چونكو دهلیڤێن كاری یێن باش دسهكتهرێن پیشهسازی وگهشت وگوزارێ وتهندورستی وئاڤاكرنێ وهتد.. . دا ههنه وبهرههڤیا حكومهتا كوردستانێ وكارگێریا پارێزگههێ بو ههر هاریكاری وئاسانكاریهكا پێدڤی نیشان دا. ..
سهروكێ كومهلا خودان كارێن تركی یێن مێرسینێ (نهواف قلێیچ) دیاركر كونوكه پتر 1500كومپانیێن تركی ل كوردستانێ كاردكهن وئاستێ هناردهكرنا كهلوپهلێن بازرگانی دناڤبهرا تركی و كوردستان وعیراقێ ل سالا 2014 بهایێ وان پتر بو ژ(10) ملیاردولارا.. . ودیاركر كو كومپانی وسهرمایهدارێن تركیا حهزدكهن ئاستێ بازرگانی وئابوری دگهل ههرێما كوردستانێ وعیراقێ پتر پێش بكهڤیت وتهكهزكر كو ئهو وهكو كومهلا خودان كار وبازرگانێن مێرسینێ دێ پتر هاندانا كومپانی وبهرهێنهرێن كومهلا خو كهن كو كار وپروژا ل كوردستانێ ب تایبهتی ژی ل پارێزگهها دهوكێ ئهنجامدهن وپێشنیار كر كو ئاسانكاری بو هاتن وچونا كومپانی وبازرگانان پتر بهێنه كرن دا كار بلهزتر بهێنه ئهنجامدان ههروهسا پێشنیار كر كو جڤینهكا بهرفرهه دناڤبهرا ههموو ژورێن بازرگانی یێن ههرێمێ وكومهلا وان بهێته ئهنجامدان داههموو پهیوهندی پتر بهێنه خوتكرن وكار باشتر بهێنه ئهنجامدان . ..
ل داویێ پارێزگهرێ دهوكێ پشتهڤانیا پارێزگههێ بو وێ جڤینا پێشنیاركری دیاركر ههروهسا دوپاتكر كو ههموو ئاسانكاری بو ههموو بازرگان وبهرهێنهران دێ هێنه كرن.. .
ههژی گوتنێ یه سهروك وئهندامێن ژورا بازرگانی یا دهوكێ بهرههڤی كومبونێ ببون.
