ئه‌ڤرو سپێدێ 2/12/2021 ب ئاماده‌بوونا خانم (زكیه سه‌ید صالح ) بریكارا وه‌زاره‌تا كار وكاروبارێن كومه‌لایه‌تى وماجد سه‌ید صالح نونه‌رێ پارێزگارێ دهۆكێ وچه‌ند ئه‌ندامێن په‌رله‌مانێ كوردستانێ ورێڤه‌به‌را چاكسازیا ئافره‌ت وسنێلا ل ئێتیێ ونونه‌رێ رێكخراوا یونسێڤ داینگه‌هه‌كا تایبه‌ت بۆ زاروكێن دادگه‌هكریێن چاكسازیا ئافره‌ت وسنێلان ل ئێتیتێ هاته ڤه‌كرن.
بریكارا وه‌زاره‌تا كاروبارێن كومه‌لایه‌تى ونونه‌رێ پارێزگارێ دهۆكێ ده‌ست خوشى وسوپاسیا رێكخراوا یونسێڤ كر بو ئاڤاكرن وبه‌رهه‌ڤكرنا داینگه‌هێ دناڤ چاكسازیێ دا بو وێ یه‌كێ زاروكێن دادگه‌هكریێن چاكسازیێ لناڤ داینگه‌هێ ژیانا خو یا ئاسایى ده‌ربازكه‌ن ومافێن وان وه‌ك زاروك دناڤدا بهێنه به‌رجه‌سته‌كرن.
هه‌ژى گوتنێ یه داینگه‌ه ژسێ كابینێن رێك وپێك دگه‌ل پێدڤیێن وێ یێن سه‌ركى پێك دهێت وته‌ختێن نڤستنێ ویاریێن زاروكان دناڤدا هاتینه دانان وداینگه‌هێ شیان هه‌نه هه‌تا بیست زاروكان هه‌مبێزكه‌ت ونێزیكێ شێست هزار دولار ژلایێ رێكخراوا یونسێڤ ل پرۆژه‌ى هاتینه خه‌رجكرن وستافێ چاڤدێریكرن وسه‌رپه‌رشتیكرنێ ژلایێ رێڤه‌به‌ریا گشتى یا چاڤدێریا كومه‌لایه‌تى هاتیه دابینكرن.
