ئه‌ڤرۆ سپێدێ 19-10-2020 ب سه‌رپه‌رشتیا به‌رێز د.على ته‌ته‌ر پارێزگه‌رێ دهۆكێ كۆمبوونا ژۆرا ئوپه‌راسیونا یا به‌رهنگاربونا ڤایروسێ كورونا هاته ئه‌نجامدان.
دكومبونێدا به‌حسێ به‌لاڤبونا ڤایروسێ كورونا ل پارێزگه‌هێ وره‌وشا نه‌خوشان ورێكارێن خو پاراستنێ وپێگریا هاولاتیان ب رێنمایێن ساخله‌میێ ب گشتى هاته كرن.
پارێزگه‌رێ دهۆكێ دكونگره‌كێ رۆژنامه‌ڤانیدا ئاماژه دا كۆمبوونا بلند یا ژۆرا ئوپه‌راسیونا ل هه‌ولێرێ وئه‌و بریار ورێنمایێن نوو یێن ژكۆمبوونێ ده‌ركه‌تین بو كێمكرنا كارتێكرنا په‌ژیكێ كورنا ل سه‌ر ته‌ندورستیا هاولاتیان وهه‌موو سه‌كته‌رێن ژیانێ.
هه‌روه‌سا ته‌كه‌زى ل سه‌ر كاراكرنا لیژنێن دوڤ چونێ ل سه‌نته‌رێ قه‌زا وناحیا وجهێن گشتى كر بو وێ یه‌كێ هشیاریا جڤاكى بهێته به‌لافكرن وهه‌موو رێنمایێن خو پاراستنێ بهێنه بجهئینان وسه‌رپێچكار بهێنه سزادان.
پارێزگه‌رێ دهۆكێ ئه‌و یه‌ك ژى دیاركر كو هه‌تا 1-11-2020قوتابخانه وزانكو ل دوڤ سیسته‌مێ ده‌ستنیشاكرنى ورێنمایێن ساخله‌میێ دێ به‌رده‌وامیێ ده‌نه پروسا خواندنێ وماموستایێن ئاینى ویێن په‌روه‌ردێ وده‌زگه‌هێن راگه‌هاندنێ وسوشیال میدیا وده‌زگه‌هێن ئێمناهیێ پتر رولێ خو ببین بو هشیاركرنا هاولاتی وقوتابیان كو خو ب پارێزن و هاولاتى سه‌ره‌دان وكومبون وبه‌ركه‌فتنا كێمكه‌ن وپێگریێ ب رێنمایێن ته‌ندورستى بكه‌ن.
هه‌روه‌سا گوت: جهێن ڤه‌كرى ناهێنه گرتن ول دوڤ رێنمایا دێ كارێ خو كه‌ن هه‌روه‌سا یانێن وه‌رزشى بێ جه‌ماوه‌ر چالاكیێن خو ئه‌نجامده‌ن.
