ئه‌ڤرو رێكه‌فتی ٢٠٢٢/٨/١١ روژا پێنجشه‌مبی د چارچوڤێ ده‌سته‌خوشكیا پارێزگه‌ها دهوكێ دگه‌ل باژارێ شتودگارد یێ ئه‌لمانی, ئاژانسا فیدرالی یا ئه‌لمانیا بو هه‌فكاریێن ته‌كنیكی ب هه‌فكاریا رێكخراوا ( THW ) خوله‌كا ئونلاین دنافبه‌را هه‌ردو پارێزگه‌هاندا ڤه‌كر بو وان كارمه‌ندێن كار ب وان هه‌ردو ترومبێلێن ئاگرڤه‌مراندنێ دكه‌ن یێن ژ باژارێ شتودگارد گه‌هشتینه پارێزگه‌ها دهوكێ,
هه‌ر ژبو به‌رزكرنا شیانێن كارمه‌ندێن ئاگرڤه‌مراندنێ چاوانیا سه‌ره‌ده‌ریێ دگه‌ل رودانان و پاراستنا گیانێ وه‌لاتیانه ئه‌ڤ جوره خوله دێ دناڤبه‌را هه‌ردو پارێزگه‌هاندا دبه‌رده‌وام بن,
هه‌ژی گوتنێیه پشتی سه‌ره‌دانا به‌رێز ” د.عه‌لی ته‌ته‌ر ” پارێزگارێ دهوكێ بو وه‌لاتێ ئه‌لمانیا باژارێ شتودگارد و رێكه‌فتنا ده‌سته‌خوشكیێ دناڤبه‌را هه‌ردو پارێزگه‌هاندا بو چه‌ندین هه‌فكاری و هه‌ماهه‌نگیێن جودا هاتیه واژوكرن هه‌ر زوی د ئێكه‌م هه‌فكاریدا باژارێ شتودگارد دوو ترومبێلێن پێشكه‌فتی یێن ئاگرڤه‌مراندنێ پێشكێشی پارێزگه‌ها دهوكێ كرن.
