ئه‌ڤرو رێكه‌فتی ٢٠٢٢/٦/٢٣ روژا پێنجشه‌مبی ب سه‌رپه‌رشتیا به‌رێز ” ماجد سه‌ید سالح ” جێگرێ پارێزگارێ دهوكێ بو كاروبارێن ته‌كنیكی ب وه‌كاله‌ت و ب ئاماده‌بونا ” زیره‌ك تاهر سه‌عید ” سه‌روكێ ئێكه‌تیا به‌لێنده‌رێن كوردستانێ-لقێ دهوك- و هژماره‌كا به‌لێنده‌رێن پروژه‌یێن پارێزگه‌ها دهوكێ كومبونه‌ك هاته ئانجامدان
د كومبونێدا به‌حسێ قوناغێن كاركرنا پروژه‌یان و ئاسته‌نكێن دكارێ به‌لێنده‌را دا و چاره‌سه‌ریا وان هاته كرن ب تایبه‌ت كێشه‌یا پارێ به‌لێده‌را, جێگرێ پارێزگاری دا دیاركرن ل ڤێ هه‌فتیێ كوژمه‌كێ پاره‌ی لسه‌ر چه‌ندین به‌لێده‌ران هاتیه دابه‌شكرن كرن و د هه‌فتیا داهاتی دا كوژمه‌كێ دی دێ هێته خه‌رجكرن و دابه‌شكرن ئه‌وژی بو به‌رده‌وامیدانا ئه‌و پروژه‌یێن كار لسه‌ر دكه‌ن هه‌روه‌سا داخواز ژ به‌لێنده‌را كر به‌رژه‌وه‌ندیا گشتی به‌رچاڤ وه‌رگرن و پێدڤیه به‌رده‌وامیێ بده‌نه كارێ خو , بو ڤێ یه‌كێ ژی پشته‌ڤانیا ئیدارا پارێزگه‌هێ بو چاره‌سه‌ریا هه‌مو گرفتێن وان نیشاندا.
