ئه‌ڤرو سپێدێ 12-3-2018ل ئوتێلا ریكسوس ب ئاماده‌بونا به‌رێزان فه‌رهاد ئه‌مین ئه‌تروشی پارێزگه‌رێ دهوكێ وكونسلێن ئیتالیا وكوێت ، بوردێ كاروبارێن مروڤایه‌تی ل پارێزگه‌هێ ب هه‌ڤكاری دگه‌ل رێكخراوا (UNFBA)وركشوپه‌ك ل ژێرناڤێ((پێشڤه‌برنا ئاستێ خزمه‌تگوزاریان بو قوربانیێن ململانێ ژئافره‌ت وزاروكان)) بو پتر ژ(150)رێكخراوێن (UN)و(NGO)وماموستایێن زانكویێ وڤه‌كوله‌رێن جڤاكی وماف په‌روه‌رویاساناسا وپه‌رله‌مانته‌ر وماموستایێن ئولی وبسپوران هاته ڤه‌كرن.
لبه‌راهیێ اسماعیل محمد احمد هاریكارێ پارێزگه‌ری بو كاروبارێن مروڤایه‌تی په‌یڤا بخێر هاتنێ پێشكێشكر وئارمانجا وركشوپێ به‌رچاڤكر .
پاش پارێزگه‌رێ دهوكێ دپه‌یڤه‌كێدا دیاركر كو ئه‌و تاوانێن رێكخراوا تیرورستیا داعش ل دژی ئێزدیان ئه‌نجامداین تاوانێن مه‌زن ودژوارن ودمێژویێ دا وه‌كو وان تاوانا نه‌هاتینه تورماركرن وشوینوارێن وان دوژمنكاریا ل سه‌ر زاروك وژن وپیره‌مێر وئێزدیان هه‌تا نوكه ژی دبه‌رچاڤ ودیارن.
پارێزگه‌رێ دهوكێ داخاز ژجڤاكێ ده‌وله‌تی وحكومه‌تێن عیراقێ وكوردستانێ وسازیێن مروڤایه‌تی كر كو رولێ خو ببین وپتر خول ئێش وئازارێن زاروك وئافره‌تێن ئێزدی بكه‌نه خودان وهاریكاریا وان پتر بهێته كرن.
هه‌روه‌سا گوت: حكومه‌تا هه‌رێما كوردستانێ وپارێزگه‌ها دهوكێ سه‌نته‌ره‌كێ جینوسایدێ ئاڤاكریه وهه‌موو به‌لگه‌نامه وئه‌و تاوانێن لدژی ئێزدیان هاتینه ئه‌نجامدان كومكرینه.
وته‌كه‌زكر كو دڤێت تاوانبار بهێنه سزادان بو وێ یه‌كێ ئه‌ڤ دوژمنكاریه دوباره‌نه‌بنه‌ڤه و سه‌ركه‌فتن بو پشكدارێن وركشوپێ خواست.
پاش په‌یڤێن رێكخراوێن پشكدار هاتنه خاندن ودان وستاندن ل دور به‌رنامێن وركشوپێ هاتنه كرن.
