ئه‌ڤرو سپێدێ 25-8-2019به‌رێز به‌هزاد على ئاده‌م پارێزگه‌رێ دهوكێ ب وه‌كاله‌ت پێشوازیا به‌رێز(ئالان حه‌مه سه‌عید صالح) وه‌زیرێ په‌روه‌ردێ یێ حكومه‌تا هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێز عمر على ته‌ها رێڤه‌به‌رێ گشتى یێ په‌روه‌ردێ ل پارێزگه‌ها دهوكێ به‌حسێ ره‌وشا په‌روه‌ردێ ل پارێزگه‌ها دهوكێ وئه‌و گرنگیا حكومه‌تا هه‌رێمێ دده‌ته سه‌كته‌رێ په‌روه‌ردێ وبه‌رهه‌ڤیێن دهێنه كرن بو ده‌ست پێكرنا وه‌رزێ سالا نوو یا خاندنێ(2019-2020) وئاریشه وئاسته‌نگێن دهێنه پێش پروسا خاندنێ ژمیلاكات وئاڤاهیێن قوتابخانا وكاروبارێن كارگێرى ب گشتى هاته كرن.
پارێزگه‌رێ دهوكێ ب وه‌كاله‌ت خوشحالیا ب سه‌ره‌دانێ دیاركر وپیروزباهى ل وه‌زیرێ نوو یێ په‌روه‌ردێ كر وخواست كو پشتى پلانا چارسالى دهێته ئاماده‌كرن وبودجا په‌روه‌ردێ دهێته دیاركرن ره‌وشا په‌روه‌ردێ ل پارێزگه‌ها دهوكێ پتر لبه‌ر چاڤ بهێته وه‌رگرتن و پتر گرنگى ب كه‌رتێ په‌روه‌ردێ بهێته دان وپشته‌ڤانیا پارێزگه‌هێ نیشان دا بو هه‌ر هاریكاریه‌كێ بو پێشئێخستنا كه‌رتێ په‌روه‌ردێ وسه‌ركه‌فتن بو وه‌زیرێ نوو خواست.
ژلایێ خوڤه وه‌زیرێ په‌روه‌ردێ ته‌كه‌زكر كو سه‌كته‌رێ په‌روه‌ردێ زور یێ گرنگ وبه‌رفره‌هه و ل ڤان سالێن ده‌ربازبوى گه‌له‌ك كار وخزمه‌ت بو هاتیه كرن وئه‌م ژى وه‌كو وه‌زاره‌ت ل چار سالێن بهێت ل دوڤ پلانه‌كا رێكخستى دێ گرنگییه‌كا پتر ده‌ینه ڤى سه‌كته‌رى وپتر پێشئێخین.
هه‌ژى گوتنێ یه هه‌ر ئه‌ڤرو سپێدێ 25-8-2019وه‌زیرێ په‌روه‌ردێ جودا جودا سه‌را په‌روه‌ردا قه‌زا زاخو دابو
هه‌روه‌سا كومبونه‌ك ژى دگه‌ل رێڤه‌به‌رێ گشتى یێ په‌روه‌ردێ وستافێ په‌روه‌ردێ ل پارێزگه‌ها دهوكێ ئه‌نجامدابو وژنێزیك هایداری ره‌وشا سازیێن په‌روه‌ردێ ل بویه.
