ئه‌ڤرۆ ئێڤارى 16/1/2021 ل یاریگه‌ها یانا زاخو یا وه‌رزشى وب ئاماده‌بونا به‌رێزان د.على ته‌ته‌ر پارێزگارێ دهۆكێ وفه‌هیم عبدالله سه‌روكێ جڤاتا پارێزگه‌هێ وعه‌لى عه‌ونى به‌رپرسێ لقێ 8 یێ پارتى دیموكراتى كوردستان وچه‌ند به‌رپرسێن حزبى وئیدارى ودچارچوڤێ یاریێن گه‌را 14 دا ژخولا نایاب یاعیراقێ تیما یانا زاخو یاریه‌كا بێ جه‌ماوه‌ر دگه‌ل تیما یانا ئه‌لقاسم ژ پارێزگه‌ها بابل ئه‌نجامدا وپشتى هه‌ڤركییه‌كا به‌رده‌وام یارى ب دوماهى هات وهه‌ر دوو تیم وه‌كهه‌ڤ ده‌رچون وهه‌ر ئێكێ گوله‌ك توماركر.
ویانا زاخو شیا (22) خاڵا كومكه‌ت ولرێزا شه‌شێ ژخولا نایابا عیراقێ دهێت ویانا ئه‌لقاسم بتنێ ده‌ه خاڵ هه‌نه.
به‌رى ده‌ستپێكرنا یاریێ پارێزگارێ دهۆكێ دپه‌یڤه‌كێدا گوت: ئه‌م هاتینه بو پالپشتیكرنا یانا زاخو چونكو سه‌ركه‌فتنا یانا زاخو سه‌ركه‌فتنه بو پارێزگه‌ها دهۆكێ و هه‌موو كوردستانێ .
سه‌باره‌ت چاره‌سه‌ركرنا ئاریشێن یانه‌یێن دهۆك وزاخو ویانه‌یێن دن یێن پارێزگه‌هێ گوت: مه چه‌ند كومبون ئه‌نجامداینه ودێ هه‌ولده‌ین ئاریشێن هه‌موو یانا ل دوڤ شیانێن به‌رده‌ست چاره‌سه‌ركه‌ین وسه‌ركه‌فتن بو هه‌موو یانێن پشكدار دخولێدا خواست.
