ئەڤرۆ رێکەفتی ۲۹ـ٦ـ۲٠۲٠ د رێوڕەسمەکی دا ل ھەمبەر بەرێز نێچیرڤان بارزانی سەروکێ هەرێما کوردستانێ، بەرێز د.عەلی تەتەر نێروەیی وەک پارێزگارێ نوو یێ دهوکێ سویندا یاسایی خوار.
د رێورەسمان دا سەروکێ هەرێما کوردستانێ پیروزباهیا دەستبکاربوونا بەرێز پارێزگارێ نوی کر و هیڤیا سەرکەفتنێ د ئەرکێ ویێ نوی دا بۆ خواست، هەروەسا ئاماژە ب کار و خزمەتا بوری یا سەرکەفتیانەیا بەرێز پارێزگارێ نوی کر ، و هیڤیا هندێ خواست خزمەتا زێدەترا پارێزگەها دهوکێ بکەت.
بەرێز سەروکێ هەرێما کوردستانێ سوپاسی و پێزانیێن خو ئاراستەیی بەرێز فەرهاد ئەمین ئەترووشی پارێزگارێ بەرێ یێ دهوکێ کر و دیار ک کو د دەمەکێ ھەستیار دا دەستبکارببوو، و هیڤیا سەرکەفتنێ بو جەنابێ وی خواست.
د رێورەسمان دا بەرێز ڕێبەر ئەحمەد وەزیرێ ناڤخو ئامادە ببوو، بەرێز پارێزگارێ نویێ دهوکێ دوپاتکر کو هەمی شێانان بو خزمەتا خەلکێ پارێزگەها دهوکێ تەرخان بکەت، و هەمی هەولەکێ دەت کو کار و ئەرکێن خو ب باشترین شێوە جێبەجی بکەت.
